ماحولیاتی درجہ حرارت کو کنٹرول میں لانے کیلئے شجرکاری وقت کی اہم ضرورت ہے،عبدالکریم خان

اتوار 9 اگست 2020 18:15

پشاور۔ (اُردو پوائنٹ اخبارتازہ ترین - اے پی پی۔ 09 اگست2020ء) وزیر اعلیٰ خیبر پختونخوا کے مشیر برائے صنعت وتجارت عبدالاکریم خان نے کہا ہے کہ موسمیاتی تبدیلیوں کے برے اثرات سے ماحول محفوظ بنانے کے لیے زیادہ سے زیادہ درخت لگانے ہونگے اور ان کی نگہداشت پر بھی خصوصی توجہ دینے کی کی ضرورت ہے۔ ان خیالات کا اظہار انہوں نے گدون امازئی سٹیٹ اکنامکس زون کے سبزہ زار میں مون سون شجرکاری مہم کے افتتاح کے موقع پر ایک تقریب سے خطاب کرتے ہوئے کہی ۔

اس موقع پر پر انہوں نے درخت لگا کر شجرکاری مہم کا باقاعدہ آغاز کیا۔

(جاری ہے)

اس موقع پر رکن صوبائی اسمبلی حاجی رنگیز خان، چیف ایگزیکٹو اکنامکس زون خیبر پختونخوا جاوید اقبال خٹک، صوابی چیمبر آف کامرس اینڈ انڈسٹری کے صدر محمد زاہد شاہ، اکنامکس زون گدون امازئی سٹیٹ کے منیجر فیصل حیات خان،احتشام خان، جاوید مینی اوردیگر اہم شخصیات سمیت کارخانہ دار بھی موجود تھے۔ عبدالکریم خان نے کہا کہ ماحولیاتی درجہ حرارت کو کنٹرول میں لانے کیلئے شجرکاری وقت کی اہم ضرورت ہے، درخت لگانا صدقہ جاریہ ہے، مون سون شجرکاری مہم کو کامیاب بنانے کی ہر ممکن کوشش کرینگے اور صوبہ بھر میں 35 لاکھ پودے لگائے جائیں گے۔