پرائیویٹ سکولز ایسوسی ایشن کی طرف سے سکولزکھلنے پرایس اوپیز کی ہدایات جاری

منگل 11 اگست 2020 15:41

ملتان (اُردو پوائنٹ اخبارتازہ ترین - اے پی پی۔ 11 اگست2020ء) پرائیویٹ سکولز ایسوسی ایشن کی طرف سے حکومتی ہدایات کے برعکس 15اگست سے سکولز کوکھولنے کے لئے اپنے ممبران کو ایس اوپیز کی ہدایات جاری کردی گئی ہیں۔

(جاری ہے)

حکومت کی طرف سے تعلیمی اداروں کو 15ستمبرسے کھولنے کی تجویزہے تاہم پرائیویٹ سکولز ایسوسی ایشن پاکستان کی طرف سے 15اگست کوسکولز کھولنے کااعلان کرتے ہوئے اپنے ممبران کو ایس اوپیز جاری کرکے ان پرعمل کی ہدایت کی گئی ہے جس کے مطابق سکولزمیں اسمبلی نہیں ہوگی ۔

پہلی شفٹ 10بجے سے گیارہ اوردوسری 11سے ایک بجے تک ہوگی ۔ہربچہ ماسک لازمی استعمال کرے گا،اپنی پانی کی بوتل اورتھرماس لائے گا۔کسی سے شراکت نہیں ہوگی ۔سکولزکاتمام سٹاف ماسک لازمی پہنے گااورتمام کاکورونا ٹیسٹ لازمی ہوگا۔سکولزمیں کھیل کودمنع اورکلاس رومز کوروزانہ ڈس انفیکٹ کیاجائے گا۔نزلہ بخار،زکام والے بچے سکول میں نہیں آئیں گے ۔سکولزلانے لے جانے کی ذ مہ داری والدین کی ہوگی ،ٹرانسپورٹ استعمال نہیں ہوسکے گی ۔