اسلام آباد، ایف ٹین میں دوپارٹیوں کے درمیان فائرنگ ملوث تمام ملزمان گرفتار، اسلحہ معہ ایمونیشن برآمد

جمعہ 14 اگست 2020 19:47

اسلام آباد(اُردو پوائنٹ اخبارتازہ ترین - آن لائن۔ 14 اگست2020ء) وفاقی پولیس نے ایف ٹین میں دوپارٹیوں کے درمیان فائرنگ کے وقوعہ میں ملوث تمام ملزمان کو گرفتار کرکے اسلحہ معہ ایمونیشن برآمد کر لیا گیا،مزید تفتیش جاری ہے ۔

(جاری ہے)

گزشتہ شب وفاقی دارلحکومت کے پوش سیکٹر ایف ٹین میں دو گروپوں میں ہونیوالی فائرنگ نے وفاقی پولیس اور سیکورٹی کا قلعی کھول دی ہے ،آئی جی اسلام آباد نے ملزمان کی گرفتاری کے لیے فوری طورپر ڈی آئی جی آپریشن کو حکم دیا جس کے نتیجہ میں ایس ایچ اور شالیمار کو حکم دیا گیا کہ ملزمان کی گرفتاری فوری عمل میں لائی جائے ،پولیس نے گھنٹون میں دونوں پارٹیوں کے ملزمان گرفتار کرکے آتشیں اسلحہ بھی برآمد کر لیا،اس موقع پر ڈی آئی جی آپریشن سید وقارنے کہا کہ قانون ہاتھ میں لینے والے شرپسند عناصر کے خلاف سختی سے نمٹا جائے گا ۔

ظفر ملک