ترکی کوپاکستانی برآمدات میں گزشتہ مالی سال کے دوران کمی، درآمدات میں اضافہ

ہفتہ 22 اگست 2020 14:44

اسلام آباد (اُردو پوائنٹ اخبارتازہ ترین - اے پی پی۔ 22 اگست2020ء) ترکی کوپاکستانی برآمدات میں گزشتہ مالی سال کے دوران کمی جبکہ ترکی سے درآمدات میں اضافہ ریکارڈکیاگیاہے۔سٹیٹ بینک آف پاکستان کے اعدادوشمارکے مطابق مالی سال 2019-20ء میں ترکی کو282.63 ملین ڈالرمالیت کی برآمدات ریکارڈکی گئی جو مالی سال 2018-19ء کے مقابلے میں 6.16 فیصد کم ہے، مالی سال 2018-19ء میں ترکی کو 300.05 ملین ڈالرکی برآمدات ریکارڈکی گئی تھیں۔

(جاری ہے)

مالی سال کے آخری مہینہ جون میں ترکی کوپاکستانی برآمدات کا حجم 23.68 ملین ڈالرریکارڈکیاگیا۔گزشتہ سال جون میں ترکی کو پاکستانی برآمدات کا حجم 24.37 ملین ڈالررہاتھا۔سٹیٹ بینک کے مطابق گزشتہ مالی سال میں ترکی سے درآمدات میں 25.65 فیصد اضافہ ریکارڈکیاگیاہے۔ مالی سال 2019-20ء میں ترکی سے درآمدات کا حجم610.70 ملین ڈالررہا، مالی سال 2018-19ء میں ترکی سے 486.01 ملین ڈالرمالیت کی درآمدات ریکارڈکی گئی تھیں۔جون کے مہینہ میں ترکی سے 43.31 ملین ڈالرکی درآمدات کی گئی، گزشتہ سال جون میں ترکی سے 31.08 ملین ڈالرکی درآمدات ریکارڈکی گئی تھیں۔