مقبوضہ کشمیر میں بھارتی فضائیہ کے آفیسر کی سرکاری پستول سے خودکشی

آفیسر کی شناخت 53 سالہ پال سنگھ کے نام سے ہوئی ہے،تعلق اتر پردیش سے تھا،بھارتی حکام

اتوار 23 اگست 2020 15:56

مقبوضہ کشمیر میں بھارتی فضائیہ کے آفیسر کی سرکاری پستول سے خودکشی

سری نگر(اُردو پوائنٹ اخبارتازہ ترین - این این آئی۔ 23 اگست2020ء) مقبوضہ کشمیر کے فوجی اڈے میں انڈین ایئر فورس کے آفیسر نے سرکاری پستول سے خود کو گولی مار کر اپنی زندگی کا خاتمہ کرلیا۔کشمیر میڈیا سروس کے مطابق جموں کے علاقے کالو چک میں فوجی کیمپ میں تعینات بھارتی فضائیہ کے 53 سالہ وارنٹ آفیسر پال سنگھ نے سرکاری پستول سے خود کشی کرلی۔ آفیسر کا تعلق ریاست اتر پردیش سے تھا۔

(جاری ہے)

گولی کی آواز سن کر جائے وقوعہ پر پہنچنے والے ساتھیوں نے پال سنگھ کو قریبی اسپتال منتقل کیا جہاں زیادہ خون بہہ جانے کے باعث آفیسر نے دوران علاج دم توڑ دیا۔ ضروری کارروائی کے بعد لاش آبائی گاوں روانہ کردی جائے گی۔آفیسر کی خودکشی کی وجہ کا تعین نہیں کیا جا سکا ہے، واقعے کی تحقیقات کے لیے انکوائری کمیٹی تشکیل دیدی گئی ہے۔ رواں ماہ انڈین ایئرفورس کے اہلکار کی خوکشی کا یہ دوسرا واقعہ ہے اس سے قبل 8 اگست کو ایک اہلکار نے ادھمپور میں خودکشی کی تھی۔