بھارت کنٹرول لائن پر جنگ کی سموک سکرین بنا کر مقبوضہ کشمیر میں انسانیت کے خلاف اپنے جرائم پر پردہ ڈالنا چاہتا ہے، آزاد کشمیر کے صدر سردار مسعود خان کی کشمیری صحافیوں کے وفد سے ملاقات میں گفتگو
بدھ 26 اگست 2020 16:56
(جاری ہے)
ان خیالات کا اظہار انہوں نے ڈسٹرکٹ پریس کلب باغ کے صدر سردار اشتیاق اور جموں وکشمیر یونین آف جرنلسٹس کے رہنما طاہر عباسی کی قیادت میں صحافیوں کے 15 رکنی وفد سے ملاقات کے دوران گفتگو کرتے ہوئے کیا۔
صدر آزادکشمیر نے کہا کہ مقبوضہ جموں وکشمیرمیں تحریر و تقریر، اظہار رائے اور ابلاغی پابندیوں کے باوجود صحافی جس جرات اور بامردی سے بھارت کے ظلم و جبر کو بے نقاب کر رہے ہیں وہ سب کے لئے مشعل راہ ہے۔ انہوں نے کہا کہ آزادکشمیر کو تحریک آزادی کا حقیقی بیس کیمپ صرف اسی صورت میں بنایا جا سکتا ہے جب ہم میں سے ہر ایک تحریک آزادی کو تقویت پہنچانے کے لئے حکومت کی طرف دیکھنے کے بجائے اسے اپنا قومی فریضہ سمجھتے ہوئے ادا کرے۔ صدر ریاست نے کہا کہ انہوں نے صدارت کا منصب سنبھالنے کے بعد برطانیہ، یورپ، امریکہ، مشرق وسطیٰ اور مشرق بعید کے ممالک میں ہر فورم پر اور ہر دروازے پر جا کر دنیا کو کشمیریوں پر بیتنے والی ظلم کی داستان سنائی اور ان ممالک کی پارلیمان کے نمائندگان کو آزادکشمیر کا دورہ کرا کر انہیں کشمیر کے دو منقسم خطوں کے حالات میں فرق کو واضح کیا۔ اسی طرح وزیراعظم راجہ فاروق حیدر خان نے بھی ہر قومی اور بین الاقوامی پلیٹ فارم پر مقبوضہ کشمیر کے بھائیوں اور بہنوں کی فریاد اور آواز کو اٹھایا اور مقبوضہ جموں وکشمیر میں جاری تحریک آزادی کو اپنی حکومت کی ترجیح اول بنایا۔ ریاست جموں وکشمیر کو ایک اکائی قرار دیتے ہوئے صدر سردار مسعود خان نے کہا کہ ریاست کے تمام لوگوں کو بلاامتیاز مذہب و عقیدہ برابر کے حقوق حاصل ہیں لیکن بھارتی وزیر اعظم نریندر مودی ہندوتوا کے نظریہ کو آگے بڑھانے کے لئے کشمیری مسلمانوں کو نشانہ بنا کر اور مقبوضہ علاقے میں مذہبی کارڈ کھیل کر کشمیریوں کے اتحادو یکجہتی کو پارہ پارہ کرنے کی سازش کر رہا ہے جسے کشمیری کبھی کامیاب نہیں ہونے دیں گے۔ انہوںنے کہا کہ صحافی قومی اور بین الاقوامی سطح پر کشمیریوں کے لئے رائے عامہ ہموار کرنے میں اپنا کردار ادا کرنے کے ساتھ ساتھ لوگوں کو بتائیں کہ وہ برادریوں اور علاقوں کی سوچ سے بالا تر ہو کر اتحاد ویکجہتی کی فضا بنائیں تاکہ ہم سب ایک طاقت بن کر مقبوضہ کشمیر کی آزادی کے لئے اپنا کردار ادا کر سکیں۔ انہوں نے کہا کہ اب وقت آگیا ہے کہ مقبوضہ کشمیر کی آزادی کی بات کو بیانات، کانفرنسوں اور سیمینار سے نکال کر چوکوں، چوراہوں اور سڑکوں پر لائیں اور اسے ایک بین الاقوامی مزاحمتی تحریک میں بدل کر عالمی برادری اور اقوام متحدہ کو اپنا کردار ادا کرنے پر مجبور کریں۔ جب تک ہم دنیا اور سلامتی کونسل پر دبائو نہیں بڑھائیں گے وہ متحرک ہو کر اپنا کردار ادا نہیں کرے گی۔ صحافیوں کے مختلف سوالوں کا جواب دیتے ہوئے صدر سردار مسعود خان نے کہا کہ بھارت نے سب سے پہلے کشمیر کا ایک جعلی نقشہ تیار کر کے اپنی سرحد کو کوہالہ اور آزادپتن پر دکھایا جس کا جواب دینے کے لئے ضروری ہو گیا تھا کہ پاکستان بھی ایک نقشہ جاری کرکے مقبوضہ کشمیر کو پاکستان کا حصہ دکھائے لیکن پاکستان نے دوٹوک انداز میں واضح کیاہے کہ وہ مسئلہ کشمیر کو اقوام متحدہ کی قراردادوں اور کشمیریوں کی خواہشات کے مطابق حل کرنے پر یقین رکھتا ہے۔ انہوں نے کہا کہ بھارت نے پاکستان کے خلاف اس وقت تین محاذ کھول رکھے ہیں وہ ایک طرف تو مقبوضہ کشمیر اور آزادکشمیر پر حملہ آور ہو چکا ہے اور دوسری طرف پاکستان کو سفارتی محاذ پر تنہا کرنے اور اسے معاشی طور پر کمزور کرنے کی ناپاک سازشوں میں مصروف ہے جسے ناکام کرنے کی ضرورت ہے۔ کیونکہ اس وقت پاکستان ہی واحد ملک ہے جوکشمیریوں کے لئے ہر قسم کی قربانی دے رہا ہے۔ جہاد کے بارے میں پوچھے گے ایک سوال کا جواب دیتے ہوئے صدر آزادکشمیر نے کہا کہ جہاد مسلمانوں کے لئے ایک مذہبی فریضہ ہے اور دنیا کا بہترین وار ڈاکٹرائن ہے جس میں تمام بین الاقوامی جنگی قوانین اور انسانی اقدار کا پورا لحاظ رکھا جا تا ہے۔ ایک اور سوال کا جواب دیتے ہوئے صدر سردار مسعود خان نے کہا کہ لائن آف کنٹرول پر بھارتی جارحیت کا جواب پاکستان کی مسلح افواج پوری طاقت سے دے رہی ہیں لیکن بھارت ہماری سول آبادی کو نشانہ بناتا ہے جبکہ ہماری فوج صرف بھارتی فوجی تنصیبات کو نشانہ بناتی ہے اور بات کی ہر ممکن کوشش کی جاتی ہے کہ اُن کے فائر سے مقبوضہ کشمیر میں کسی شہری کو نقصان نہ پہنچے کیونکہ وہ ہمارے بھائی اور بہنیں ہیں اور ہمارے اپنے شہری ہیں۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.