وکلا کی مریم کیساتھ سیلفیاں، پولیس کے رہنمائوں کو دھکے

منگل 1 ستمبر 2020 18:18

اسلام آباد (اُردو پوائنٹ اخبارتازہ ترین - این این آئی۔ 01 ستمبر2020ء) ایون فیلڈ ریفرنس میں پیش ہونے کے لیے مسلم لیگ نون کی رہنما اور سابق وزیرِ اعظم میاں محمد نواز شریف کی صاحبزادی مریم نواز مری سے اسلام آباد ہائی کورٹ پہنچیں تو کورٹ روم میں موجود وکلا نے ان کے ساتھ سیلفیاں لیں۔

(جاری ہے)

مسلم لیگ نون کے رہنما احسن اقبال، امیر مقام ، راجہ ظفرالحق، دانیال عزیز، انجم عقیل، جاوید لطیف اسلام آباد ہائی کورٹ پہنچے اس موقع پر پولیس کی جانب سے عدالت پہنچنے والے نون لیگی رہنماوں کو دھکے دیئے گئے۔

پولیس نے مسلم لیگ نون کے رہنماوں کو احاطہ عدالت میں جانے سے روکا۔مریم نواز کی آمد کے موقع پر کمرہ عدالت کچھا کچھ بھر گیامریم نواز نے کارکنوں کو ہدایت کی کہ وہ عدالت کے تقدس کا خیال رکھیں۔