فیصل آباد انٹرنیشنل ایئرپورٹ پربیرون ملک سے آنے والے مسافر سے 1300 گرام کوکین برآمد

جمعرات 3 ستمبر 2020 13:12

اسلام آباد (اُردو پوائنٹ اخبارتازہ ترین - اے پی پی۔ 03 ستمبر2020ء) پاکستان کسٹمز نے فیصل آباد انٹرنیشنل ایئرپورٹ پربیرون ملک سے آنے والے مسافر سے 1300 گرام کوکین برآمد کر لی ہے۔

(جاری ہے)

ایف بی آر کے ترجمان نے جمعرات کو ٹویٹر پر جاری پیغام میں کہا کہ پاکستان کسٹمز انفورسمنٹ ملتان کے اہلکاروں نے گزشتہ روز فیصل آباد انٹرنیشنل ایئرپورٹ پر بیرون ملک سے آنے والے ایک مسافر سے 1300 گرام کوکین برآمد کر لی۔ ملزم کو گرفتار کرکے ان کے خلاف کارروائی شروع کر دی گئی ہے۔ پاکستان کسٹم نے سمگلنگ اور منشیات کے خلاف ملک گیر کارروائی شروع کی ہے اور حالیہ دنوں میں بھاری مقدار منشیات اور سمگل شدہ اشیا کو قبضے میں لے لیا گیا ہے۔