شہبازشریف کی آرمی چیف سے ملاقات معمول کی تھی ،اے پی سی سے کوئی تعلق نہیں ‘شاہد خاقان عباسی

نوازشریف پر بھارت نوازی کا الزام لگانے والے وہ لوگ ہیں جو معیشت کو تباہ کرکے بھارت کا فائدہ کررہے ہیں ‘سابق وزیر اعظم کی میڈیا سے گفتگو

بدھ 23 ستمبر 2020 20:48

شہبازشریف کی آرمی چیف سے ملاقات معمول کی تھی ،اے پی سی سے کوئی تعلق ..

لاہور (اُردو پوائنٹ اخبارتازہ ترین - این این آئی۔ 23 ستمبر2020ء) مسلم لیگ (ن) کے سینئر نائب صدر و سابق وزیر اعظم شاہد خاقان عباسی نے کہا ہے کہ مریم نوازنے ٹھیک کہاکہ پارلیمانی معاملات پارلیمنٹ میں ہی حل ہونے چاہئیں، نوازشریف کو آرمی چیف ملاقات سے آگاہ کیا گیا اس کی معلومات نہیں، آرمی چیف سے ملاقات اے پی سی کے موضوع پر نہیں تھی۔لاہور میں میڈیا سے گفتگو کرتے ہوئے سابق وزیر اعظم شاہد خاقان عباسی نے کہاکہ آرمی چیف کی خواجہ آصف سمیت کسی بھی لیگی رہنما سے ون آن ون ملاقات نہیں ہوئی تاہم ملاقات خفیہ نہیں تھی عسکری دعوت پر تمام پارلیمانی پارٹیوں کو مدعو کیا گیاتھا۔

شاہد خاقان عباسی نے کہاکہ شہبازشریف کی آرمی چیف سے معمول کی ملاقات تھی اس کا اے پی سی سے کوئی تعلق نہیں ،نوازشریف کو آگاہ کیاگیاکہ نہیں مجھے اس کا علم نہیں ۔

(جاری ہے)

آرمی چیف نے خود کہاہے کہ ہم سیاست میں حصہ نہیں لے رہے۔مریم نوازنے ٹھیک کہاکہ پارلیمانی معاملات پارلیمنٹ میں ہی حل ہونے چاہئیں۔انہوںنے کہاکہ نوازشریف پر بھارت نوازی کا الزام لگانے والے وہ لوگ ہیں جو معیشت کو تباہ کرکے انڈیا کا فائدہ کررہے ہیں جنہوں نے مہنگائی کی انہوں نے بھارت کو فائدہ دیا ،جو بھارت جاکر پاکستان کی فوج پر باتیں کرتے ہیں وہ بھارت کے دوست ہیں ،بھارت نواز وہ ہے جنہوں نے ملکی معیشت تباہ کی مہنگائی کی اور بھارت جاکر فوج کے خلاف باتیں کرتے ہیں وہ دوست ہیں نوازشریف دوست نہیں۔