شاہد آفریدی کاڈین جونز کے انتقال پر شدید افسوس کا اظہار

جمعہ 25 ستمبر 2020 16:20

کراچی (اُردو پوائنٹ اخبارتازہ ترین - این این آئی۔ 25 ستمبر2020ء) قومی کرکٹ ٹیم کے سابق کپتان شاہد آفریدی نے سابق آسٹریلین بیٹسمین و کمنٹیٹر ڈین جونز کے انتقال پر شدید افسوس کا اظہار کیا ہے۔مائیکرو بلاگنگ سائٹ ٹوئٹر پر پیغام میں انہوں نے کہا کہ شاہد آفریدی نے لکھا کہ ڈین جونز کے انتقال کی خبر ہم سب کے لیے انتہائی افسوسناک ہے۔

(جاری ہے)

شاہد آفریدی نے لکھا کہ ڈین جونز ایک حیرت انگیز کرکٹر، کوچ، کمنٹیٹر اور سب سے بڑھ کر ایک خوش اخلاق انسان تھے۔

قومی کرکٹ ٹیم کے سابق کپتان نے اپنے پیغام میں لکھا کہ ڈین جونز میرے حقیقی دوست تھے اور میں اٴْنہیں ہمیشہ یاد کروں گا۔آخر میں شاہد آفریدی نے ڈین جونز کے اہل خانہ اور عزیز و اقارب سے دلی تعزیت بھی کی۔واضح رہے کہ آسٹریلیا کے سابق ٹیسٹ کرکٹر اور پاکستان سپر لیگ (پی ایس ایل) میں مختلف ٹیموں کے لیے کوچنگ کی ذمہ داریاں نبھانے والے ڈین جونز گزشتہ روز دل کا دورہ پڑنے کی وجہ سے بھارت کے شہر ممبئی میں انتقال کر گئے تھے۔