گلگت میں بچوں سے زیادتی کیس کا صرف ایک ماہ میں فیصلہ،2 مجرموں کو سزائے موت

جمعہ 25 ستمبر 2020 22:53

گلگت(اُردو پوائنٹ اخبارتازہ ترین - این این آئی۔ 25 ستمبر2020ء) انسداد دہشت گردی عدالت نے اسکردو میں بچوں کے ساتھ زیادتی کیس کا صرف ایک ماہ میں فیصلہ سناتے ہوئے دو مجرموں کو سزائے موت اور 10، 10 لاکھ روپے جرمانے کا حکم دے دیا۔گلگت میں انسداد دہشت گردی عدالت نے اسکردو میں بچوں کے ساتھ زیادتی کیس میں بڑا فیصلہ سنا دیا۔

(جاری ہے)

انسداد دہشت گردی عدالت کے جج محمود الحسن نے ایک ماہ کے اندر کیس کا فیصلہ سناتے ہوئے بچوں کے ساتھ جنسی زیادتی کرنے والے 2 مجرموں کو سزائے موت اور 10، 10 لاکھ روپے جرمانہ جب کہ ایک ملزم مبارک کو عمر قید اور 5 لاکھ روپے جرمانہ کی سزا کا حکم دیا۔

کیس میں سزا پانے والے مجرموں میں مظفر عباس، تجمل حسین اور مبارک شامل ہیں جب کہ مجرموں سے 9 عدد غیر اخلاقی وڈیوز بھی برآمد کی گئی ہیں۔