حافظ آباد ،آوارہ کتوں نے غریب محنت کش کی 8مرغیاں چیر پھاڑ کرکے ہلاک کر دیں

پیر 28 ستمبر 2020 21:40

حافظ آباد(اُردو پوائنٹ اخبارتازہ ترین - این این آئی۔ 28 ستمبر2020ء) حافظ آباد کے محلہ شیرآباد میں آوارہ کتوں نے وزیر اعظم کے مرغیاں پال پروگرام کے تحت دی گئی غریب محنت کش کی 8مرغیاں چیر پھاڑ کرکے ہلاک کر دیں۔ تفصیلات کے مطابق محلہ شیرآباد گلی نمبر ۷ کے غریب محنت کش جہانگیر نے وزیر اعظم پروگرام کے تحت گھر میںمرغیاںپال رکھی تھیں۔

(جاری ہے)

گزشتہ روز اسکی مرغیاں گھر سے باہر نکلیں تو آوارہ کتوںنے آٹھ مرغیاں کی چیر پھاڑ کرکے انہیں ہلاک کردیا۔

جس پر علاقہ مکینوںنے شدید احتجاج کرتے ہوئے کہا کہ شہر بھر میں آوارہ کتوں نے شہریوں کو پریشان کررکھا ہے لیکن حکومتی احکامات کے باوجود ضلعی انتظامیہ اور کارپوریشن کی جانب سے ان آوارہ کتوں کو تلف کرنے کے لئے کچھ نہیں کیاجارہاہے جس کی وجہ سے یہ آوارہ کتے اب تک درجنوں افراد دکو کاٹ کر زخمی کرچکے ہیں۔