کورونا، ڈبلیو ایچ او کا غریب ممالک کو تیز تشخیصی ٹیسٹ فراہم کرنے کا اعلان

سکیم سے 133ممالک مستفید ہوسکیں گے،ٹیسٹ کے نتائج 15 سے 30 منٹ میں آجائینگے، جنرل ٹیڈروس

منگل 29 ستمبر 2020 18:46

کورونا، ڈبلیو ایچ او کا غریب ممالک کو تیز تشخیصی ٹیسٹ فراہم کرنے کا ..

نیو یارک (اُردو پوائنٹ اخبارتازہ ترین - این این آئی۔ 29 ستمبر2020ء) عالمی ادارہ صحت نے آئندہ ماہ سے غریب ملکوں کیلئے کورونا کے 12 کروڑ تیز تشخیصی ٹیسٹ فراہم کرنے کا اعلان کردیا، ان ٹیسٹ کے نتائج 30 منٹ تک آجائینگے۔ڈبلیو ایچ او کے ڈائریکٹر جنرل ٹیڈروس نے کہا ہے کہ 60کروڑ ڈالر کی اس سکیم سے کم اور درمیانی آمدنی والے 133ممالک مستفید ہوسکیں گے۔

فوری ٹیسٹ اگلے چھ ماہ میں 133 ممالک کو دیئے جائیں گے، ان ٹیسٹ کے نتائج 15 سے 30 منٹ میں آجائینگے۔

(جاری ہے)

انہوں نے بتایا کہ یہ ٹیسٹ پی سی آر ٹیسٹ جیسا قابل بھروسہ تو نہیں لیکن سستا، تیز اور آسان ہے۔ ریپڈ ٹیسٹ کی تقسیم کا عمل آئندہ ماہ سے شروع کیا جائیگا۔دوسری جانب کورونا وائرس سے متاثرین اور ہلاکتوں کی تعداد میں مسلسل اضافہ ہو رہا ہے۔ برطانیہ میں مرنے والوں کی تعداد 42 ہزار ہو گئی جبکہ امریکا میں اموات 2 لاکھ 10 ہزار کے قریب پہنچ گئیں اور کیسز کی تعداد 73 لاکھ 50 ہزار ہو گئی۔بھارت میں بھی کورونا وائرس کی وجہ سے حالات بدتر ہوتے جا رہے ہیں۔ جہاں اموات 96 ہزار اور مریضوں کی تعداد 61 لاکھ سے تجاز کر گئی ہے۔