وزیراعلیٰ بلوچستان کے لائژن اسسٹنٹ ملک عادل خان بازئی کی مولانا طاہر محمود اشرفی کو مبارکباد

بدھ 30 ستمبر 2020 15:02

کوئٹہ (اُردو پوائنٹ اخبارتازہ ترین - اے پی پی۔ 30 ستمبر2020ء) وزیراعلیٰ بلوچستان کے لائژن اسسٹنٹ اور پاکستان تحریک انصاف کے رہنماء ملک عادل خان بازئی نے ممتاز مذہبی اسکالر اور عالم دین مولانا طاہر محمود اشرفی کو وزیراعظم کا نمائندہ خصوصی برائے مذہبی ہم آہنگی مقرر کرنے پر انہیں مبارکباد پیش کرتے ہوئے کہا کہ ملک میں بین المسالک وبین المذاہب ہم آہنگی کے فروغ کے لیے علامہ طاہر اشرفی کی خدمات قابل قدرہیں جبکہ بطور چیئرمین پاکستان علماء کونسل اور ممبر اسلامی نظریاتی کونسل مولانا طاہر محمود اشرفی کی دینی خدمات کسی سے پوشیدہ نہیں ،ملک عادل خان بازئی نے کہا کہ علامہ طاہر اشرفی کو تمام مسالک کے لوگ احترام کی نظر سے دیکھتے ہیں اور فرقہ واریت کے خاتمے اور مذہبی ہم آہنگی کے فروغ کے لیے ان کی خدمات قابل ستائش ہیں امید ہے کہ وہ وزیراعظم عمران خان کی توقعات پر پورا اترتے ہوئے اپنے فرائض منصبی بخوبی سرانجام دیں گے ۔