انڈیا میں ایمنسٹی انٹرنیشنل دفتر کی بندش، وزیر خارجہ کا اقوام متحدہ سے نوٹس کا مطالبہ

وزیر خارجہ کا بھارت میں اقلیتوں خصوصاً مسلمانوں کے ساتھ روا رکھے جانے والے سلوک پر بھی تشویش کا اظہار

بدھ 30 ستمبر 2020 23:10

انڈیا میں ایمنسٹی انٹرنیشنل دفتر کی بندش، وزیر خارجہ کا اقوام متحدہ ..

اسلام آباد (اُردو پوائنٹ اخبارتازہ ترین - این این آئی۔ 30 ستمبر2020ء) وزیر خارجہ شاہ محمود قریشی نے اقوام متحدہ کی انسانی حقوق کونسل سے بھارت میں ایمنسٹی انٹر نیشنل کے دفتر کی بندش کا نوٹس لینے کا مطالبہ کیا ہے۔

(جاری ہے)

اپنے بیان میں انہوں نے کہا کہ ایمنسٹی انٹرنیشنل کو بھارت میں ایک ایسے وقت اپنا دفتر بند کرنے پر مجبور کیا گیا جب اس نے بھارت کے غیر قانونی زیر قبضہ جموں وکشمیر میں انسانی حقوق کی سنگین خلاف ورزیوں کو بے نقاب کرنا شروع کیا اور دہلی میں مسلم مخالف فسادات میں پولیس کے ملوث ہونے کا بھی پردہ چاک کیا۔

وزیر خارجہ نے کہا کہ انسانی حقوق کی تنظیموں کو بھارتی ہتھکنڈوں کے خلاف آواز بلند کرنی چاہیے۔ وزیر خارجہ نے کہاکہ بھارت کا چہرہ بے نقاب ہوچکا ہے۔وزیر خارجہ نے بھارت میں اقلیتوں خصوصاً مسلمانوں کے ساتھ روا رکھے جانے والے سلوک پر بھی تشویش ظاہر کی۔