خواتین کے حقوق کے لئے جدوجہد جاری رہے گی‘آمنہ ملک

جمعرات 1 اکتوبر 2020 12:48

سرگودھا(اُردو پوائنٹ اخبارتازہ ترین - این این آئی۔ 01 اکتوبر2020ء) پاکستان تحریکِ انصاف وومن ونگ ضلع خوشاب کی صدر آمنہ ملک نے چیف آرگنائزر سیف اللہ خان نیازی سے ملاقات کی جس میں ضلع خوشاب کی خواتین تنظیم سازی اور انکو درپیش مسائل کے حوالہ سے تبادلہ خیال ہوا۔

(جاری ہے)

اس موقع پرآمنہ ملک نے کہا کہ تحریک انصاف میں کام کرنے والی باہمت خواتین مردوں کے شابہ بشانہ کھڑے ہوکر نئے پاکستان کی جدجہد میں وزیرِاعظم عمران خان کے ساتھ ہر اول دستے میں شامل ہیں اور انشاء اللہ خواتین کے حقوق کے لئے جدوجہد جاری رہے گی۔

انہوں نے بتایا کہ تحریک انصاف کی خواتین نے وزیر اعظم پاکستان کے ویڑن کے مطابق مشکل حالات میں عوام کی مدد کرنے میں دیر نہیں کی اور یہ سرگرمیاں آگے بھی جاری رہیں گی۔ انہوں نے کہا کہ پاکستان تحریک انصاف کے منشور کے مطابق ضلع خوشاب میں تنظیمی سازی کو مکمل کر لیا گیا ہے، اب انشا اللہ تحریک انصاف خوشاب کی ضلعی قیادت متحد ہو کر عوامی مسائل کے حل میں اپنا بھرپور کردار ادا کرے گی۔