نیشنل ٹی ٹونٹی کپ دفاعی چیمپئن ناردرن نے سنٹرل پنجاب کی ٹیم کو 35 رنز سے شکست د ے دی

لاہور۔ (اُردو پوائنٹ اخبارتازہ ترین - اے پی پی۔ 03 اکتوبر2020ء) : ملتان کرکٹ اسٹیڈیم میں جاری نیشنل ٹی ٹونٹی کپ کے پہلے مرحلے کے ساتویں میچ میں ناردرن نے موسیٰ خان اورحارث رو ٴف کی عمدہ باو ٴلنگ اور شاداب خان کی آل راو ٴنڈ کارکردگی کی بدولت سنٹرل پنجاب کو 35 رنز سے شکست دے دی۔ 155 رنز کے تعاقب میں سنٹرل پنجاب کی پوری ٹیم 18.1اوورز میں 120 رنز پر ہمت ہارگئی۔

چھوٹے ہدف کے باوجود ناردرن کی بہترین باو ٴلنگ لائن اپ کے سامنے سنٹرل پنجاب کے صرف 4 کھلاڑی ہی ڈبل فگرز میں داخل ہوسکے۔اوپنر عابد علی 36 اور عبداللہ شفیق 20 رنز بناکر سب سے نمایاں رہے۔رضوان حسین اور سعد نسیم نے 14، 14 رنز بنائے۔ناردرن کے موسیٰ خان نے 23 جبکہ حارث رو ٴف نے 26 رنز دے کر 3،3 کھلاڑیوں کو پویلین کی راہ دکھائی۔

(جاری ہے)

سہیل تنویر اور کپتان شاداب خان نے 2،2 وکٹیں اپنے نام کیں۔

اس سے قبل سنٹرل پنجاب کے کپتان سعد نسیم نے ٹاس جیت کر پہلے فیلڈنگ کا فیصلہ کیا تو ناردرن کے ٹاپ آرڈر نے قدرے محتاط کھیل کا مظاہرہ کیا۔ فاتح ٹیم کی ابتدائی 3 وکٹیں 40 رنز پر گریں تو کپتان شاداب خان، آصف علی اور روحیل نذیر نے رنز بنانے کی رفتار تیز کردی۔شاداب خان 17 گیندوں پر 30اور آصف علی 11 گیندوں پر 24 رنز بناکر آو ٴٹ ہوئے۔روحیل نذیر کی 8 گیندوں پر 21 رنز کی ناقابل شکست اننگز کی بدولت دفاعی چیمپئن نے مقررہ بیس اوورز میں 8 وکٹوں کے نقصان پر 155 رنز بنائے۔

سنٹرل پنجاب کے عثمان قادر نے 28 رنز کے عوض 3 وکٹیں حاصل کیں۔میچ میں آل راو ٴنڈ کارکردگی کی بدولت مین آف دی میچ کا ایوارڈ حاصل کرنے پر ناردرن کے کپتان شاداب خان نے کہا کہ مسلسل دوسرے میچ میں یہ ایوارڈ جیتنا ان کے لیے فخر کی بات ہے، خوشی ہے کہ دونوں میچوں میں ان کی انفرادی کارکردگی سے ٹیم کو کامیابی ملی۔ آل راو ٴنڈر نے کہا کہ دن بدن کھلاڑیوں کے اعتماد میں اضافہ ہورہاہے اوروہ پرامید ہیں کہ ناردرن کی ٹیم اس سال اپنے ٹائٹل کا دفاع کرنے میں کامیاب رہے گی۔