حقیقی احتساب ہویا آئین کی دفعہ 62/63پر عمل ہوجائے تو اسمبلیوں میں بیٹھے ہوئوں کی اکثریت جیلوں میں ہوگی‘سراج الحق
جو پی ٹی آئی میں ہوتا ہے اس سے کرپشن کا حساب کتاب نہیں لیاجاتا، حکومتی وزیر مشیرکرپشن کریں تو نیب دوسری طرف منہ پھیر لیتا ہے
اتوار 4 اکتوبر 2020 18:25
(جاری ہے)
اس موقع پر لاہور کے امیر ڈاکٹر ذکر اللہ مجاہد اور چوہدری عبدالقیوم گجر بھی موجود تھے ۔انہوںنے کہاکہ جس ظلم و جبر کے نظام کی وجہ سے عوام رو رہے ہیںیہ انہی لوگوں کا مسلط کیا ہوا ہے۔
ووٹرپہلے اپنے ضمیر کا سودا کرکے ان ظالموں کو ووٹ دیتے ہیں اور پھر دوماہ بعدہی رونا دھونا شروع کر دیتے ہیں۔ قوم مایوسی سے دوچار ہے ہر کوئی مہنگائی اوربے روزگاری کا رونا رورہا ہے۔سیاسی ٹھگوں نی73 سال سے پاکستان کو یرغمال بنارکھاہے ۔ ملکی نظام کی وجہ سے نوجوان ڈگریاں جلانے پر مجبور ہیں ۔مزدور اورکسان سارادن محنت کرتے ہیں مگر پھر بھی ان کے بچے بھوکے سوتے ہیں ۔عام پاکستانی بجلی اور گیس کے بل ادا کرنے کے قابل نہیں رہا ۔کرپٹ جاگیردار،سرمایہ دار اورجرنیل قوم کے بربادی کے ذمہ دار ہیں۔ پاکستان کو مسلکی اور لسانی بنیادوں پر تقسیم کیا گیا۔قوم کو دو حصوں میں تقسیم بٹ گئی ہے ۔سینیٹر سراج الحق نے کہا کہ پی ٹی آئی اور اپوزیشن کے نظریات، کلچر خارجہ و داخلہ پالیسیاں ایک ہیں ۔پی ٹی آئی اور اپوزیشن میں صرف اقتدار کی جنگ ہے۔مسلم لیگ، پیپلزپارٹی اور پی ٹی آئی کا سینیٹ چئیرمین کے انتخابات،آرمی چیف کی مدت ملازمت اور ایف اے ٹی ایف کیلئے قانون سازی کے موقع پر اتحاد رہا۔ایک دوسرے کو چورڈاکو کہنے والے ایک دوسرے کو ووٹ دیتے رہے۔انہوں نے کہا کہ ا یک شوگر مل والے کی ستائیس شوگر ملیں کیسے بن جاتی ہیںاور ان لوگوں کے ہر شہر میں محل اور بنگلے کہاں سے بنتے ہیں۔ان کے پاس الہ دین کا چراغ ہے جس کے ذریعے گریڈ سترہ کا افسر اربوں پتی بن جاتا ۔حکومت عام آدمی کو بھی وہی چراغ دے دے ہوسکتا ہے عوام کی بھی قسمت سنور جائے ۔انہوں نے کہا کہ نام نہاد سیاستدان اپنے منصب کو لوٹ مار کیلئے استعمال کرتے ہیں۔سینیٹر سراج الحق نے کہا کہ ہمیں آستین کے ان سانپوں کا علاج کرنا ہوگا جن کے زہر نے ہماری نسلوں کو تباہ کردیا ہے ۔ اس وقت قوم کے ہاتھوں میں ورلڈ بینک اورآئی ایم ایف کی ہتھکڑیاں ہیں ۔لاکھوں نوجوان بے روزگار ہیں۔ عوام کی جیب میں بچوں کی فیس کیلئے پیسے نہیں ہیں۔ بچوں اور بچیوں کی زندگیا محفوظ ہیں نہ عزتیں۔ انہوں نے کہا کہ جماعت اسلامی عوام کے مسائل حل کرنے اور دکھ درد بانٹنے والی جماعت ہے ۔ جماعت اسلامی عوام کی طاقت سے حکومت میں آئے گی ۔عوام اپنے مسائل کا حل چاہتے ہیں تو ملک میں اسلامی انقلاب کیلئے جماعت اسلامی کی جدوجہد کا ساتھ دیں۔تقریب سے خطاب کرتے ہوئے سیکرٹری جنرل جماعت اسلامی امیر العظیم نے کہا کہ ووٹ کو عزت اس وقت ملے گی،جب کارکن کو عزت دی جائے گی۔جمہوریت سیاسی جماعتوں سے مضبوط ہوتی ہے۔ ہمارے ہاں جمہوریت نہیں بچہ جمہورا ہے۔ پیپلزپارٹی ن لیگ پرائیویٹ لمیٹڈ کمپنیاں ہیںسب خاندان اکٹھے ہوئے ہیں ۔انہوں نے کہا کہ علی بابا کو جیل میںڈال دیا جائے لیکن چالیس چور دائیں بائیں کھڑے ہوں تو جمہوریت پٹڑی پر نہیں، تاریخ کے کوڑے دان میں چلی جاتی ہے۔انہوں نے کہا کہ پی ٹی آئی حکومت میں کرپشن ومہنگائی بے روزگاری بدامنی میں اضافہ ہوا۔مزید اہم خبریں
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.