شاہ رخ خان نئے ہیئر اسٹائل کی وجہ سامنے آگئی

شاہ رخ خان اپنے بال آنے والی فلم ’’پٹھان‘‘ کی وجہ سے بڑھا رہے ہیں قبل ازیں فلم ’’ڈان2‘‘ کے لئے بھی شاہ رخ خان نے اپنے بال بڑھائے تھے

پیر 12 اکتوبر 2020 11:20

ابوظہبی (اُردو پوائنٹ اخبارتازہ ترین - این این آئی۔ 12 اکتوبر2020ء) دبئی کرکٹ اسٹیڈیم میں بالی وڈ کے کنگ شاہ رخ خان کو لمبے بالوں کے ساتھ دیکھ کر بھارت سمیت دنیا بھر میں ان کے مداح کافی حیران ہوئے تھے۔بالی وڈ کے کنگ شاہ رخ خان کو حال ہی میں آئی پی ایل کے میچ کے دوران اسٹیڈیم میں ٹیم کولکتہ کو سپورٹ کرتے دیکھا گیا تھا۔

(جاری ہے)

شاہ رخ خان کے نئے ہیئر اسٹائل کے حوالے سے بھارتی ویب سائٹ کا کہنا ہے کہ شاہ رخ خان اپنے بال آنے والی فلم ’’پٹھان‘‘ کی وجہ سے بڑھا رہے ہیں۔

بھارتی ویب سائٹ کے مطابق ایکشن اور تھرل سے بھرپور فلم کے ایک حصے میں شاہ رخ خان لمبے بالوں کے ساتھ نظر آئیں گے۔فلم میں اداکارہ دپیکا پڈوکون بھی شامل ہیں جبکہ جان ابراہم ولن کا کردار نبھائیں گے۔اس سے قبل فلم ’’ڈان2‘‘ کے لئے بھی شاہ رخ خان نے اپنے بال بڑھائے تھے۔