موسم سرما میں کورونا کے کیسز میں اضافہ ہوسکتا ہے.عمران خان
دنیا بھر میں صفائی کا بہتر نظام ہے لیکن پاکستان میں ایسی مثال نہیں ملتی. وزیراعظم کا تقریب سے خطاب
میاں محمد ندیم پیر 19 اکتوبر 2020 19:10
(جاری ہے)
انہوں نے کہا کہ ہمیں عوام کی طاقت کا اندازہ ہی نہیں ہے اور عوام کی طاقت استعمال نہ کرنے کی بڑی وجہ حکومت اور عوام کے مابین گہری خلیج ہے عمران خان نے کہا کہ دنیا بھر میں صفائی کا بہتر نظام ہے لیکن پاکستان میں ایسی مثال نہیں ملتی کیونکہ ہم نے اپنے سامنے اداروں کو تباہ ہوتے دیکھا ہے. وزیراعظم عمران خان نے بتایا کہ لاہور میں ترقی کے نام پر 70 فیصد درخت ختم کردیے، لاہور میں آلودگی کا تناسب غیرمعمولی بڑھ چکا ہے علاوہ ازیں ان کا کہنا تھا کہ کراچی شہر کی ساری گندھی سمندر میں ڈالی جاری ہے، ہر شاہراہ پر کچرا موجود ہے. انہوں نے کہا کہ یہ وقت ہے کہ انتظامیہ اور عوام مل کر شجر کاری پر توجہ دیں تاکہ آنے والی نسلوں کو سازگار ماحول فراہم کیا جاسکے ان کا کہنا تھا کہ اللہ کی نعمتوں کی قدر نہ کرکے ہم ماحولیاتی تباہی کے دھانے پر پہنچ چکے ہیں. وزیراعظم عمران خان نے پاکستان میں کورونا سے متعلق بات کرتے ہوئے کہا کہ عالمی ادارے صحت (ڈبلیو ایچ او) نے تسلیم کیا کہ پاکستان ان چار ممالک کی فہرست میں شامل جہاں کووڈ 19 سے نمٹنے کے لیے بہترین فیصلے کیے گئے. انہوں نے کہا کہ کورونا کے عدم پھیلاﺅ سے متعلق فیصلوں کو دنیا نے تسلیم کیاانہوں نے کہاکہ حکومتی فیصلوں سے معاشی تباہی سے بچے رہے جبکہ بھارت میں کورونا سے متعلق غلط فیصلوں کے باعث بدترین معاشی اور انسانی بحران پیدا ہوا. وزیراعظم عمران خان نے خدشے کا اظہار کیا کہ موسم سرما میں کورونا کے کیسز میں اضافہ ہوسکتا ہے انہوں نے کہا کہ لاہور، کراچی، فیصل آباد، پشاور سمیت دیگر شہروں میں آلودگی زیادہ ہے اور موسم سرما میں پہلے ہی دیگر وائرس کا حملہ زیادہ ہوتا ہے ایسے میں کورونا وبا پھیل سکتی ہے. انہوں نے کہا کہ 10 ارب درخت لگانے کا منصوبہ اور شہروں کو صاف کرنا ہمارے اہداف میں کلیدی ہیں وزیراعظم عمران خان نے کہا کہ جس معاشرے میں جزا اور سزا کا تصور ناپید ہوجائے وہ معاشرے ترقی نہیں کرتے اس لیے جن اضلاع میں ڈپٹی کمشنرز نے کام کیا ان کے لیے مراعات و انعامات ہوں گے. انہوں نے کہا جن اضلاع میں ڈپٹی کمشنر صفائی ستھرائی اور دیگر اہم امور انجام نہیں دیتے، انہیں سزا ملنی چاہیے انہوں نے کہا کہ ٹائیگر فورس اور انتظامیہ کے درمیان سازگار ماحول پیدا کیا جائے تاکہ وہ ملک کر کام کرسکیں. عمران خان نے کہا کہ جنگلات کی کٹائی ہوتی رہی تو آکسیجن کے مسائل ہوں گے حکومت اور عوام میں ایک بڑا خلا ہے، ملکی خدمت کیلئے عوامی جذبات سے استعفادہ نہیں کیا گیا پچھلے 20 سال کے دوران صرف لاہور سے 70 فیصد درخت کاٹ دیئے گئے. انہوں نے کہاکہ پاکستان میں اپنی آنکھوں سے جنگلات کو تباہ ہوتے دیکھا ہے ہمیں آئندہ نسلوں کے لیے ابھی سے فوری اقدامات کی ضرورت ہے وزیراعظم نے کہا کہ ملک امین اسلم اور زرتاج گل کوخراج تحسین پیش کرتا ہوں پاکستانی نوجوانوں میں رضاکارانہ خدمات کا بہت جذبہ ہے رضاکاروں کو خاص طور پر خراج تحسین پیش کرتا ہوں. انہوں نے کہا کہ ہمارے نبیﷺ نے فرمایا کہ صفائی نصف ایمان ہے پاکستان کاکوئی ایساحصہ نہیں جہاں میں نہیں گیا اللہ تعالیٰ نے پاکستان کو بہت نعمتوں سے نوازا ہے وزیراعظم عمران خان نے کہا کہ ماضی میں پشاور کو پھولوں کا شہر کہا جاتا تھا کراچی روشنیوں کا شہر تھا جو آج میں بھی کچرا اور کوڑے سے بھرا پڑا ہے انہوں نے کہا کہ غلاظت کی وجہ سے پانی بھی گندا ہوگیا ہے.
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.