25اکتوبر کو پی ڈی ایم کے عظیم الشان جلسہ عام میں کوئٹہ و بلوچستان کے غیور عوام اپنی شرکت کو یقینی بنائیں ،بی این پی

جلسے سے پارٹی قائد سردار اختر جان مینگل و پی ڈی ایم کے دیگر قائدین تاریخی جلسے سے خطاب کریں گے

منگل 20 اکتوبر 2020 22:45

کوئٹہ (اُردو پوائنٹ اخبارتازہ ترین - این این آئی۔ 20 اکتوبر2020ء) بلوچستان نیشنل پارٹی کے مرکزی بیان میں کہا گیا ہے کہ 25اکتوبر کو پی ڈی ایم کے عظیم الشان جلسہ عام میں کوئٹہ و بلوچستان کے غیور عوام اپنی شرکت کو یقینی بنائیں جلسے سے پارٹی قائد سردار اختر جان مینگل و پی ڈی ایم کے دیگر قائدین تاریخی جلسے سے خطاب کریں گے یہ جلسہ عام ایک ایسے وقت میں کی جا رہی ہے جب حکمران بلوچستان اور سندھ کے جزائز کو غیر آئینی طور پر اپنی ملکیت بنانے جا رہے ہیں مہنگائی ‘ بے روزگاری ‘ عوام کے استحصال کیخلاف جلسہ سنگ میل ثابت ہوگا انتخابات میں مداخلت کر کے عوام کے مینڈیٹ پر شب خون مارنے کے عمل روکنے اور بلوچستان کے لاپتہ افراد کی بازیابی سمیت دیگر جملہ مسائل کے حوالے سے آواز بلند کرنے کو اولیت دی جائے گی بیان میں کہا گیا کہ بی این پی نے آمر دور ہو سول ڈکٹیٹرز کی حکمرانی ‘ ہر دور میں بلوچستان کے جملہ مسائل کے حل کیلئے آواز بلند کی سیاست کو عبادت کا درجہ دے کر بلوچستان کے تمام معاملات کو بہتر انداز اور عملی طور پر آگے بڑھاتے ہوئے پروان چڑھایا بیان میں کہا گیا ہے کہ کوئٹہ اور بلوچستان کے ترقی پسند روشن خیال اور تمام طبقہ فکر کے لوگ اپنی شرکت کو یقینی بنا کر باشعور ہونے کا ثبوت فراہم کریں۔