حفیظ سنٹر کے تاجرو ں کے دکھ دردمیں برابر کے شریک ہیں،اویس چوہدری

بدھ 21 اکتوبر 2020 14:53

لاہور (اُردو پوائنٹ اخبارتازہ ترین - اے پی پی۔ 21 اکتوبر2020ء) : آل پاکستان گڈزٹرانسپورٹ اونرز ایسوسی ایشن کے مرکزی رہنمامحمداویس چوہدری ایڈووکیٹ نے کہا ہے کہ حفیظ سنٹر کے تاجرو ں کے دکھ درد میں برابر کے شریک ہیں،بڑی الیکٹرونکس مارکیٹ میں آ تشزد گی کے افسو سناک واقعہ نے تاجر برادری کی کمر تو ڑ کر رکھ دی ہے۔

(جاری ہے)

ان خیالا ت کااظہارانہو ں نے آل پاکستان گڈز ٹرانسپورٹ اونرز ایسوسی کے رہنما ئوں محمد اظہرقادری، چوہدری قمر الزمان گل،حاجی الیاس بابر،حاجی ناظم الدین بردی،حاجی محمد اظہر سراج و د یگر سے گفتگو کر تے ہوئے کیا۔

انہوں نے پولیس اور این ایچ اے سے مطالبہ کیا کہ ملک کی قومی شاہراہوں پر ہر روز اوور لو ڈ نگ سے ہونے والے حاد ثا ت پرقابو پانے کیلئے ہنگامی اقدامات کریں۔انہو ں نے کہاکہ اوور لوڈنگ کے باعث نہ صرف قومی شاہراہیں تباہ ہو رہی ہیں بلکہ خطرناک حادثات میں قیمتی انسانی جانیں موت کے منہ میں جا رہی ہیں۔انہوں نے این ایچ اے اور پولیس سے مطالبہ کیا کہ اوور لوڈنگ پر قابو پانے کیلئے فوری اقدامات کئے جائیں۔