بہت سے ادارے ٹکرا رہے ہیں، ٹکراؤ سے نقصان ریاست کا ہو گا،خواجہ آصف

ملک کوآئین اور قانون کے مطابق چلانے کے علاوہ کوئی دوسرا راستہ نہیں ہے، سابق وزیر

بدھ 21 اکتوبر 2020 18:20

بہت سے ادارے ٹکرا رہے ہیں، ٹکراؤ سے نقصان ریاست کا ہو گا،خواجہ آصف

اسلام آباد (اُردو پوائنٹ اخبارتازہ ترین - این این آئی۔ 21 اکتوبر2020ء) پاکستان مسلم لیگ (ن) کے مرکزی رہنما خواجہ آصف نے کہا ہے کہ اس وقت بہت سے ادارے ٹکرا رہے ہیں،اداروں کے ٹکراؤ سے نقصان ریاست کا ہو گا۔ایک انٹرویومیں سابق وزیر خارجہ خواجہ آصف نے کہا کہ اداروں کو بیٹھ کر آپس میں معاملات ٹھیک کرنے چاہئیں۔ایک سوال کے جواب میں خواجہ آصف نے کہا کہ اس وقت معاملہ مفاہمت کی جانب جاتا نظر نہیں آرہا ہے۔

انہوں نے کہا کہ مشرقی پاکستان بھی ذاتی مفادات کی وجہ سے ٹوٹا تھا۔

(جاری ہے)

انہوں نے الزام عائد کیا کہ عمران خان نے میرے مخالفین کے ذریعے مجھے نقصان پہنچانے سے متعلق بات کی۔ن لیگ کے مرکزی رہنما خواجہ آصف نے الزام لگایا کہ میرے گھر کے باہر مظاہرہ کرنے، ایکسیڈنٹ کروانے اور میری اہلیہ کو گاڑی سے نکالنے کی باتیں کی گئیں۔سابق وزیر دفاع خواجہ آصف نے کہا کہ آرمی چیف نے میرے حلقے میں یقین دہانی کروائی تھی کہ وہاں دھاندلی نہیں ہوگی۔ایک اور سوال کے جواب میں کہا کہآرمی چیف کی ایکسٹینشن کا فیصلہ اس وقت کے حالات کے مطابق درست تھا۔ن لیگ کے مرکزی رہنما خواجہ آصف نے واضح طور پرکہا کہ ملک کوآئین اور قانون کے مطابق چلانے کے علاوہ کوئی دوسرا راستہ نہیں ہے۔