پاکستان کی مسلح افواج کا اقوام متحدہ کی 75 ویں سالگرہ پر نیک خواہشات کا اظہار

عالمی امن کے لیے اب تک 158 پاکستانی فوجی اپنی جانوں کا نذرانہ دے چکے ہیں، آئی ایس پی آر افواجِ پاکستان کی اقوامِ متحدہ کے ساتھ امن کے حوالے سے خدمات سر انجام دینے کی ایک نمائیاں اور طویل تاریخ ہے، رپورٹ

ہفتہ 24 اکتوبر 2020 22:17

پاکستان کی مسلح افواج کا اقوام متحدہ کی 75 ویں سالگرہ پر نیک خواہشات ..
راولپنڈی (اُردو پوائنٹ اخبارتازہ ترین - این این آئی۔ 24 اکتوبر2020ء) پاکستان کی مسلح افواج کی جانب سے اقوام متحدہ کی 75 ویں سالگرہ پر نیک خواہشات کا اظہار کیا گیا ہے۔پاک فوج کے شعبہ تعلقات عامہ کے مطابق پاکستان نے 28 ممالک میں 46 اقوام متحدہ کے امن مشنز میں حصہ لیا، اقوام متحدہ کے امن مشنز میں اب تک 2 لاکھ پاکستانی فوجی حصہ لے چکے ہیں۔آئی ایس پی آر کا کہنا ہے کہ عالمی امن کے لیے اب تک 158 پاکستانی فوجی اپنی جانوں کا نذرانہ دے چکے ہیں۔

میڈیا رپورٹ کے مطابق افواجِ پاکستان کی اقوامِ متحدہ کے ساتھ امن کے حوالے سے خدمات سر انجام دینے کی ایک نمائیاں اور طویل تاریخ ہے۔ پاکستان نی30ستمبر1947ء کو اقوامِ متحدہ کے امن مشن میں شمولیت اختیار کی،یہ ایک نامور دور کا آغاز تھا جس کی تاریخ بے مثال ہے۔

(جاری ہے)

پاکستان کا اقوامِ متحدہ کے امن مشن کا آغاز1960ء میں ہوا جب پاکستان نے کانگو میں اقوامِ متحدہ کے آپریشنز میں اپنا پہلا دستہ تعینات کیا،پاکستان نے دٴْنیا بھر کے تقریباًً 28ممالک میں 2لاکھ سے زائدا فواج کے ہمراہ 46مشترکہ مِشنز میں حصہ لیا،اقوامِ متحدہ کے امن مِشنز میں 157جوانوں بشمول 24افسران نے اپنی جانوں کا نذرانہ پیش کیا،اس سال نائیک محمد نعیم رضا شہید کو اًقوامِ مٴْتحدّہ کا خصوصی میڈل عًطاء کیا گیا ہے،پاکستان اقوامِ متحدہ کے حوالے سے بہترین خدمات سر انجام دے رہا ہے،متعدد عالمی رہنماؤں اور اقوام متحدہ کی قیادت نے عالمی سطح پر پاکستان کی پٴْر امن فوج کی کارکردگی کو بڑے پیمانے پر تسلیم کیا ہے،پاکستانی خواتین بھی اقوامِ متحدہ امن مشن کانگو میں امن کے لئے سر گرم عمل ہیں،امریکی نائب معاون وزیر خارجہ بھی پاکستانی خواتین سے متاثر ہوئے بغیر نہ رہ سکے،ایلس ویلز نے پاکستانی خواتین کے امن کردار کو سراہا،پاکستانی خواتین کا کردار نہایت متاثر کن، امن کے لئے خدمات کلیدی ہیں،اقوامِ متحدہ چھتری تلے تاحال83پاکستانی خواتین امن مشن کا حصہ ہیں۔

رپورٹ کے مطابق پاکستان 19جون2019میں کانگو میں خواتین دستے تعینات کرنے والا پہلا ملک ہے۔