کراچی، مسکن دھماکے کا ایک اور زخمی چل بسا،جاں بحق ہونے والے افراد کی تعداد 7 ہوگئی

اتوار 25 اکتوبر 2020 17:50

کراچی(اُردو پوائنٹ اخبارتازہ ترین - این این آئی۔ 25 اکتوبر2020ء) کراچی کے علاقے مسکن چورنگی پر رہائشی عمارت کے دھماکے میں زخمی ہونے والا ایک اور شخص جان کی بازی ہار گیا۔

(جاری ہے)

مسکن چورنگی پرواقع رہائشی عمارت اللہ نور میں دھماکے کا ایک اور زخمی دم توڑ گیا، ڈائریکٹر ہیلتھ کراچی ڈاکٹر ندیم شیخ کے مطابق 32 سالہ عابد شاہ مسکن چورنگی پر ہی واقع نجی اسپتال کے آئی سی یو میں زیرعلاج تھا جہاں وہ اتوارکو زخموں کی تاب نہ لاتے ہوئے چل بسا۔واضح رہے کہ مسکن دھماکے میں دھماکے میں جاں بحق ہونے والے افراد کی تعداد 7 ہوگئی ہے جبکہ دھماکے کے مزید 5 زخمی مسکن چورنگی پر واقع نجی اسپتال میں زیرعلاج ہیں۔