جی سی یو نیورسٹی میں بریسٹ کینسر کے خلاف آگاہی سیمینار اور واک کا انعقاد

پیر 26 اکتوبر 2020 21:55

لاہور (اُردو پوائنٹ اخبارتازہ ترین - آن لائن۔ 26 اکتوبر2020ء) گورنمنٹ کالج یونیورسٹی لاہور میں بریسٹ کینسر کے خلاف آگاہی کے حوالے سے سیمینار اور واک کا انعقاد ، سیمینار سے وائس چانسلر پروفیسر ڈاکٹر اصغر ززیدی ،چیف ایگزیکٹیوآفیسر پنک ربن پاکستان عمر آفتاب،ڈسٹرکٹ ہیلتھ ایجو کیشن آفیسر پنجاب پرائمری اینڈ سیکنڈری ہیلتھ ڈیپارٹمنٹ طاہرہ مریم اور ہیڈ آف بائیو کیمسٹری سی ایم ایچ ڈاکٹر سحر چاولہ نے خطاب کیا۔

(جاری ہے)

اس مو قع پر خطاب کرتے ہوئے وائس چانسلر پرو فیسر ڈاکٹر اصغر زیدی کاکہنا تھاکہ برسٹ کینسر کے خلاف آگاہی اوراحتیاطی تدابیر سے بیماری میں کمی لائی جا سکتی ہے ۔چیف ایگزیکٹیوآفیسر پنک ربن پاکستان عمر آفتاب کا کہناتھا کہ ہمیں آگاہی کیلئے دیہی علاقوں میں مزید اقدمات کرنے کہ ضرورت ہے، ان کا مزید کہنا تھا کہ صحت مند غذا اورفعال طرز زندگی سے 40فیصدتک کینسرکے کیسزکو کم کیا جا سکتاہے ۔طاہرہ مریم کا کہنا تھا کہ خواتین مہینے میں ایک بار خود کا معائنہ ضرور کریں۔ ڈاکٹر سحر چاولہ نے خواتین کے اپنے حقوق اور صحت کے اموار پر روشنی ڈالی۔ بعد ازاں بریسٹ کینسر کے خلاف آگاہی واک کا بھی انعقاد کیا گیاجس کی قیاد ت وائس چانسلر پروفیسر ڈاکٹر اصغرزیدی نے کی ۔