پاکستان اتنی کمزور ریاست نہیں کہ اسرائیل کو تسلیم کر لے، منیر اکرم

پاکستان نے پالیسی اورمفادات کو دیکھنا ہے ہمیں جوہری و عسکری طاقت کو پالیسی تبدیل کرنے پر مجبور نہیں کیاجاسکتا، پاکستانی مندوب

منگل 27 اکتوبر 2020 23:47

پاکستان اتنی کمزور ریاست نہیں کہ اسرائیل کو تسلیم کر لے، منیر اکرم

نیویارک (اُردو پوائنٹ اخبارتازہ ترین - این این آئی۔ 27 اکتوبر2020ء) اقوام متحدہ میں پاکستان کے مستقبل مندوب منیر اکرم نے کہا ہے کہ پاکستان اتنی کمزور ریاست نہیں کہ اسرائیل کو تسلیم کر لے۔ایک بیان میں منیر اکرم نے کہا کہ بعض عرب ممالک نے خارجی و داخلی مجبوریوں پر اسرائیل کو تسلیم کیا مگر پاکستان اتنی کمزور ریاست نہیں کہ اسرائیل کو تسلیم کر لے۔

(جاری ہے)

انہوں نے کہا کہ پاکستان نے پالیسی اورمفادات کو دیکھنا ہے ،ہمیں جوہری و عسکری طاقت کو پالیسی تبدیل کرنے پر مجبور نہیں کیاجاسکتا۔منیراکرم نے کہا کہ عرب ممالک کیاقدام سے کشمیر پر ان کی حمایت کمزور پڑ سکتی ہے، فلسطینی حق خودارادیت کی حمایت کے اصولی مؤقف سے انحراف نہیں کرسکتے، قیام پاکستان کے بعدسے دنیاکی خود ارادیت کی حمایت بنیادی اصول رہاہے۔