سینیٹرفیصل جاوید پاک فرانسیسی پارلیمانی فرینڈ شپ گروپ کی کنوینئرشپ سے مستعفی
فرانسیسی صدر کے توہین آمیز رویے کیخلاف شدید احتجاج، استعفیٰ چیئرمین سینیٹ کو بھجوا دیا، فرانسیسی صدر کا آزادی اظہارِ رائے کے نام پر کروڑوں مسلمانوں کے جذبات سے کھیلنا ناقابل قبول ہے۔ پی ٹی آئی کے سینیٹر فیصل جاوید
ثنااللہ ناگرہ جمعرات 29 اکتوبر 2020 20:23
(جاری ہے)
اظہار رائے کی آزادی کے نام پر کروڑوں مسلمانوں کے جذبات سے کھیلنا ناقابل قبول ہے۔ مقدس ہستیوں کی توہین کےخلاف عالمی سطح پر قانون سازی وقت کا تقاضا ہے۔
واضح رہے فرانس میں گستاخانہ خاکوں اور اسلام مخالف بیانات پر پوری مسلم امہ غم اور غصے میں ہے، پاکستان سمیت مسلم ممالک میں فرانس میں گستاخانہ خاکوں اور فرانسیسی صدر کے بیانات کی مذمت کی گئی اور ان بیانات کو شرپسندی اور انتہاء پسندی قرار دیا گیا۔ پاکستان میں سینیٹ اور اسمبلیوں میں پیارے رسول حضرت محمد ﷺ سے محبت اور اپنے ایمان کی مضبوطی کیلئے قراردادیں منظور کی گئیں، جبکہ قومی سطح پر بھی مسلمانوں نے بھرپور احتجاج کیا اور فرانسیسی صدر کے انتہاء پسندانہ رویے کیخلاف ایکشن کا مطالبہ کیا۔ گزشتہ روز فرانس میں گستاخانہ خاکوں اور اسلام مخالف بیانات پر وزیراعظم عمران خان نے مسلمان ممالک کے سربراہان کو ایک خط کے ذریعے پر زور دیا ہے کہ اسلامو فوبیا اور خاص کر یورپی ممالک کے رہنماں کے بیانات کے خلاف انتہاپسندی کو توڑنے کیلئے متحد ہو کر قائدانہ کردار ادا کریں۔ وزیراعظم عمران خان نے ٹویٹر پر 28 اکتوبر کو مسلمان حکمرانوں کے نام لکھے گئے خط کو جاری کیا اور یہ خط فرانس میں پیغمبر اسلام حضرت محمدﷺ کے گستاخانہ خاکے شائع ہونے اور فرانسیسی صدر ایمانوئیل میکرون کی جانب سے ان فعل کی حمایت کے کئی دنوں بعد لکھا گیا ہے۔ فرانسیسی صدر نے گستاخانہ خاکوں کی حمایت کرتے ہوئے اپنے بیان میں کہا تھا کہ مسلمان ہمارا مستقبل چھیننا چاہتے ہیں۔ خط میں مزید کہا گیا کہ امہ میں بڑھتی بے چینی اور تشویش کی وجہ مغربی دنیا خاص کر یورپ میں اسلاموفوبیا میں تیزی، نفرت انگیزی اور ہمارے پیارے پیغمبر حضرت محمدﷺ کی گستاخی ہے۔ انہوں نے کہا کہ قیادت کی سطح پر حالیہ بیانات اور قرآن پاک کی بے حرمتی جیسے حالیہ واقعات بڑھتے ہوئے اسلاموفوبیا کا مظہر ہیں جو یورپ بھر کے ممالک میں پھیل رہے ہیں جبکہ ان ممالک میں مسلمانوں کی بڑی آبادی مقیم ہے۔ وزیراعظم نے کہا کہ پورے یورپ میں مسلم مخالف جذبات پھیل رہے ہیں جہاں مساجد کو بند کردیا گیا اور مسلمان خواتین کو عوامی مقامات پر اپنی مرضی کا لباس زیب تن کرنے کی اجازت نہیں دی جارہی اور یہاں تک پادری اور راہبائیں اپنے مذہبی لباس میں ہوتی ہیں۔ انہوں نے کہا کہ یورپی ممالک کی قیادت مسلمانوں کے قرآن پاک اور حضرت محمدؐ سے پیار اور احترام سے متعلق اکثر لاعملی کی بنیاد پر ردعمل دیتی ہے اور ان کے اقدامات خطرناک عمل اور اس کے ردعمل کا باعث بن جاتے ہیں اور اس کے نتیجے میں ان معاشروں میں مسلمان پیچھے رہ جاتے ہیں۔خط میں انہوں نے کہا کہ مسلمانوں کی پسماندگی کی وجہ سے بنیاد پرستی جنم لیتی ہے اور یہ مکروہ سلسلہ ہر طرف انتہاپسندوں کے لیے موقع فراہم کرتا ہے۔انہوں نے کہا کہ مسلمان حکمرانوں کے لیے یہ وقت ہے کہ وہ متحد ہوجائیں اور نفرت اور انتہا پسندی کے اس سلسلے کو توڑ دیں جس سے کشیدگی اور یہاں تک کہ انسانی جانوں کے ضیاع کو باعث بن جاتا ہے۔وزیراعظم نے کہا کہ ہم تمام مسلمان قیادت پر زور دیتا ہوں کہ یک جا ہو کر آواز اٹھائیں اور غیر مسلم رہنماں خاص کر مغربی ممالک کو آگاہ کریں کہ مسلمانوں کے اندر قرآن پاک اور حضرت محمدؐ کے لیے کس قدر گہری عقیدت اور محبت ہے ۔مسلمان حکمرانوں پر زور دیتے ہوئے انہوں نے کہا کہ یہ دوسروں کو آگاہ کرنے اور نفرت اور جرائم کے سلسلے کو ختم کرنے کا وقت ہے۔انہوں نے نشاندہی کرتے ہوئے لکھا کہ 1940 کی دہائی میں نازیوں کی جانب سے 60 لاکھ یہودیوں کے قتل عام ہولوکاسٹ پر تنقید اور سوال کرنا مغربی ممالک میں جرم ہے اور مسلم دنیا کو اس کا احساس ہے اور احترام بھی کرتی ہے۔وزیراعظم نے کہا کہ مغربی دنیا کو مسلماں کے احترام میں بھی اسی طرح کے مقام کو سمجھنا ہوگا کیونکہ بوسنیا سے عراق، افغانستان سے بھارت کے غیرقانونی قبضے میں موجود جموں و کشمیر تک مسلمانوں کا قتل عام ہوچکا ہے لیکن اس کے باوجود جب ہم دیکھتے ہیں کہ ہمارے عقیدے اور حضرت محمدؐ کی گستاخی کی جاتی ہے تو یہ اس سے بڑا اور انتہائی درد ناک اور دلوں کو توڑ دیتا ہے۔عمران خان نے کہا کہ مسلمانوں کے لیے عیسائی یا یہودیوں سمیت کسی کے بھی پیغمبر کے خلاف گستاخی ناقابل قبول ہے، دنیا میں یہ نفرت انگیزی جاری نہیں رہ سکتی جس سے ہر اطراف کے صرف انتہاپسندوں کو موقع ملتا ہے۔مزید اہم خبریں
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان کی بہترین جامعات کو مانیٹرنگ کے موثر نظام کے ذریعے عالمی معیار کی جامعات میں شامل کرنا چاہتے ہیں، احسن اقبال
-
امریکہ نے یوکرین کو خفیہ طور پر بیلسٹک میزائل فراہم کیے
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
شیر افضل مروت کی حفاظتی ضمانت منظور،پنجاب پولیس کو گرفتاری سے روک دیاگیا
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
-
پاکستان کے ساتھ انسانی حقوق کا معاملہ اٹھاتے رہیں گے، امریکہ
-
وزیر اعظم نے چیف کمشنر اسلام آباد کیپٹن (ر) انوارالحق کو عہدے سے ہٹا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.