آئی ایم کراچی کی جانب سے پریس کلب ارکان کے بچوں کو کراچی کے تاریخی مقامات کامطالعاتی دورہ کرایا گیا
جمعرات 12 نومبر 2020 23:28
(جاری ہے)
انہوں نے قائد اعظم ہائوس میں قائداعظم کے زیراستعمال فرنیچر،لباس،اسٹیشنری،ذاتی ڈائری اورقائد اعظم کی دوسری اہلیہ رتی بائی کے استعمال کی اشیاء کے بارے میں بچوں کو معلومات فراہم کی ہے۔
انہوں نے قومی عجائب گھر کے بارے میں بتایا کہ یہ عجائب گھر سنہ 1950 میں قائم کیا گیا تھا۔اس سے قبل اس عمارت میں وکٹوریہ میوزیم کے نام سے ایک عجائب گھر ہوا کرتا تھا جہاں آج سپریم کورٹ آف پاکستان کراچی کی بلڈنگ واقع ہے۔اس عجائب گھر میں 6 گیلریز موجود ہیں جن میں وادی مہران اور گندھارا تہذیب کے نوادرات، منی ایچر فن پارے، اسلامی فن و خطاطی کے نمونے، قدیم ادوار کے سکے، مختلف عقائد کے مجسمے وغیرہ رکھے گئے ہیں۔اس کے علاوہ ایک انتہائی خوبصورت قرآن گیلری بھی ہے جہاں پہلی صدی ہجری سے لے کر آج تک کے کئی نادرو نایاب قرآنی نسخے اپنی اصل حالت میں بحال کرکے رکھے گئے ہیں۔میوزیم میں قائد اعظم اور لیاقت علی خان کے زیر استعمال گھڑیاں،قلم اور چھڑیاں بھی موجود ہیں۔اسٹیٹ بینک آف پاکستان کے حوالے سے شیراز احمد نے بچوں سے گفتگو کرتے ہوئے بتایا گیا کہ پاکستان کی وال اسٹریٹ اور بینکوں کی شاہراہ کہلانے والے آئی آئی چندریگر روڈ پر بلند و بالا عمارات کے درمیان بھورے پتھروں سے بنی اسٹیٹ بینک میوزیم کی سربلند عمارت ایک تاریخی حیثیت رکھتی ہے۔اسٹیٹ بینک آف پاکستان میوزیم اینڈ آرٹ گیلری کی یہ عمارت 1920 میں برطانوی دورِحکومت میں تعمیر کی گئی ہے۔اس کی تعمیر میں جودھ پوری سرخ پتھر کا استعمال کیا گیا ہے،جبکہ طرزِ تعمیر رومی و یونانی ہے۔موجودہ نام اور تزئین و آرائش2004 میں کی گئی جبکہ2006 میں اسیمحفوظ ورثہ قرار دیتے ہوئے پاکستان کے اولین اور واحد منی مانیٹرنگ میوزیم اور آرٹ گیلری کی حیثیت دی گئی ہے۔بچوں کو اسٹیٹ بینک آف پاکستان میوزیم اینڈ آرٹ گیلری کا تفصیلی دورہ بھی کرایا گیا۔کراچی پورٹ ٹرسٹ کے دورے کے موقعے پر شارق امین فاروقی نے بچوں کو بتایا گیا کہ کراچی بندرگاہ پاکستان کی سب سے بڑی اور مصروف ترین بندرگاہ ہے۔یہاں سے سالانہ 2.5 کروڑ ٹن کے سامان کی تجارت ہوتی ہے،جو پاکستان کی کل تجارت کا تقریبا 60فیصدہے۔انہوں نے کہا کہ بندرگاہ قدیم کراچی شہر کے مرکز کے قریب کیماڑی اور صدر کے علاقوں کے درمیان واقع ہے۔اپنے جغرافیائی محل وقوع کے باعث یہ بندرگاہ اہم آبی گزرگاہوں مثلا آبنائے ہرمز کے بالکل قریب واقع ہے۔بندرگاہ کا انتظام ایک وفاقی ادارے کراچی پورٹ ٹرسٹ کے سپرد ہے یہ ادارہ انیسویں صدی عیسوی میں برطانوی دور حکومت میں قائم کیا گیا تھا۔کراچی اپنی قدیم بندرگاہ کے حوالے سے خلیج اورجنوبی ایشیاء سمیت کئی اہم ملکوں اور خطوں کے لیے معاشی دروازہ ہے جس کے راستے پاکستان درآمدات وبرآمدات کا 60 فیصد مال اور سازوسامان ترسیل ہوتا ہے۔اس موقع پر آئی ایم کراچی کی سارہ نے بات چیت کرتے ہوئے کہاہے کہ پڑھائی لکھائی کے ساتھ ساتھ سیروتفریح اور کھیل کودمیں حصہ لینے سے بچوں کے ذہنوں پر مثبت اثرات مرتب ہوتے ہیں اور وہ صحت مند اور تندرست رہتے ہیں جس سے انہیں تعلیمی سرگرمیوں کے بہتر اندازسے جاری رکھنے میں کافی مدد ملتی ہے۔بچے ہی قوموں کے مستقبل ہوا کرتے ہیں،ہماری کوشش ہے کہ بچوں کو تعلیم کے ساتھ ساتھ اس نوعیت کی تفریحی اور معلوماتی سہولیات فراہم کریں۔انہوں نے کہا کہ ہم کراچی کے 17 مختلف اسکولوں کے بچوں کو باری باری کراچی کی تاریخی مقامات کی سیر کرانے کا مواقع فراہم کررہے ہیں تاکہ بچے ہماری سہولیات سے استفادہ کرسکیں۔آئی ایم کراچی کے شیراز بلوچ نے بتایاکہ کراچی سے تعلق رکھنے والے شہری اور سول سوسائٹی کی تنظیمیں آئی ایم کراچی کے نام سے شہر بھر میں تحریک چلانے کے لئے اکٹھی ہوئیں ہیں۔جس کا مقصد آرٹ، ثقافت، کھیل اور دیگر امور پر بات چیت کے ذریعے امن،معاشرتی اور ثقافتی سرگرمیوں کو فروغ دینا ہے، انہوں نے کہا کہ ہم پرعزم سماجی سوچ رکھنے والی تنظیموں اور افراد کو ایک پلیٹ فارم فراہم کرکے شہر کے سماجی اور ثقافتی تانے بانے کو اجتماعی طور پر تعمیر کرنا ہے۔آئی ایم کراچی ایک ایسی تحریک ہے جو کراچی کے شہریوں کو اجتماعی طور پر جدوجہد کرنے کے لیے آمادہ کرتی ہے۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.