کرونا کا خوف ، پی اے سی کے اجلاس میں بعض اراکین اٹھ کر چلے گئے ، اجلاس جلد ختم کر دیا

بدھ 18 نومبر 2020 19:25

اسلام آباد (اُردو پوائنٹ اخبارتازہ ترین - این این آئی۔ 18 نومبر2020ء) پبلک اکائونٹس کمیٹی کے اجلاس میں کورونا وائرس کے پھیلائو کے خوف کے باعث بعض پی اے سی ارکان اٹھ کر چلے گئے۔

(جاری ہے)

بدھ کو اجلاس کے دور ان خواجہ آصف نے کہاکہ میرے پانچ دوستوں کو اکھٹا کورونا ہوگیا ہے ،آپ لوگ بھی احتیاط کریں جس کے بعد خواجہ آصف اٹھ کر چلے گئے اور شیری رحمان اور حنا ربانی کھر بھی قبل از وقت اجلاس سے اٹھ گئیں۔نور عالم خان نے بھی کمیٹی روم میں زیادہ لوگوں کی موجودگی پر اعتراض اٹھایا ،رانا تنویر حسین نے پی اے سی اجلاس جلد ختم کر دیا۔ رانا تنویر حسین نے کہاکہ آڈٹ حکام آئندہ صرف 5 آڈٹ پیراز لے کر آئیں، جب تک کورونا ہے، کم پیراز لے کر آئیں