صوابی ،پولیس نے مختلف کارروائیوں کے دوران اشتہاری ،منشیات فروش کو گرفتار کرلیا ، اسلحہ منشیات برآمد

جمعہ 20 نومبر 2020 16:36

صوابی(اُردو پوائنٹ اخبارتازہ ترین - این این آئی۔ 20 نومبر2020ء) ضلع صوابی کی پولیس نے مختلف کارروائیوں کے دوران مجرمان اشتہاری اور منشیات فروش کو گرفتار کر کے ان کے قبضے سے منشیات اور اسلحہ بر آمد کر لیا۔

(جاری ہے)

ڈی پی او آفس سے جاری پریس ریلیز کے مطابق سرکل رزڑ پولیس نے چودہ سال سے قتل اور اقدام قتل کے مقدمے میں پولیس کو مطلوب مجرم اشتہاری تاج علی سکنہ ترکئی کو گرفتار کر لیا جب کہ دیگر کارروائیوں کے دوران چھ گداگر اور نو منشیات فروشوں کو گرفتار کر لیا اور مجموعی طور پر 7245گرام چرس 199گرام ہیروئن 56گرام آئس اور دو عدد پستول بر آمد کرلی۔

پیشہ گداگروں کو دارالکفالہ منتقل کر دیا گیا ۔ایک اور کارروائی میں پولیس نے قتل ، اقدام قتل کے مقدمے میں پولیس کو مطلوب مجرم اشتہاری سبز علی سکنہ قمر ڈھنڈ نارنجی کو بھی گرفتار کر لیا۔