بنجمن نیتن یاھو آئندہ ہفتے خلیجی ریاستوں متحدہ عرب امارات اور بحرین کا دورہ کرینگے، عبرانی میڈیا

بدھ 25 نومبر 2020 16:41

مقبوضہ بیت المقدس (اُردو پوائنٹ اخبارتازہ ترین - این این آئی۔ 25 نومبر2020ء) اسرائیلی وزیراعظم بنجمن نیتن یاھو آئندہ ہفتے خلیجی ریاستوں متحدہ عرب امارات اور بحرین کا دورہ کرینگے۔ عبرانی میڈیا کے مطابق نیتن یاھو کے قریبی ذرائع کا کہنا ہے کہ وزیراعظم آئندہ ہفتے اپنے امارات کے اپنے پہلے اعلانیے دورے پر ابو ظہبی اور منامہ جائیں گے۔

(جاری ہے)

عبرانی اخبار کے مطابق اپنے دورے کے دوران وہ اماراتی ولی عہد محمد بن زاید اور بحرینی بادشاہ حمد بن عیسیٰ آل خلیفہ سے بھی ملاقات کریں گے۔ ذرائع کا کہنا ہے کہ گزشتہ روز نیتن یاھو نے امارات اور بحرینی رہ نمائوں سے ٹیلیفون پر بھی بات چیت کی ہے۔رپورٹ کے مطابق نیتن یاھو کے دفتر نے وزیراعظم کے دورہ امارات اور بحرین کی تیاری شروع کر دی ہے۔