سابق وزیراعظم میر ظفراللہ جمالی کی طبیعت ناساز ہوگئی

ظفراللہ جمالی عارضہ قلب کے باعث اے ایف آئی سی میں منتقل، میرظفراللہ جمالی کا کورونا ٹیسٹ بھی کرلیا گیا ہے۔ ذرائع

ثنااللہ ناگرہ اتوار 29 نومبر 2020 22:13

راولپنڈی (اردوپوائنٹ اخبار تازہ ترین۔ 29 نومبر2020ء) سابق وزیراعظم میر ظفراللہ جمالی کی طبیعت ناساز ہوگئی، انہیں عارضہ قلب کے باعث اے ایف آئی سی میں منتقل کردیا گیا، میر ظفر اللہ جمالی کا کورونا ٹیسٹ بھی کرلیا گیا ہے۔ ذرائع کے مطابق سابق وزیراعظم میر ظفراللہ جمالی کو طبیعت ناساز ہونے پر آرمڈ فورسز انسٹیٹیوٹ آف کارڈیالوجی راولپنڈی میں منتقل کردیا گیا ہے۔

میر ظفراللہ جمالی کو عارضہ قلب کے باعث آئی سی یو منتقل کیا گیا۔ ظفراللہ جمالی وینٹی لیٹرپر ہیں۔ بتایا گیا ہے کہ میر ظفراللہ جمالی کڈنی اور عارضہ قلب کا شکار پہلے سے ہی ہیں۔ میر ظفر اللہ جمالی کا کورونا ٹیسٹ بھی کرلیا گیا ہے، جس کی رپورٹ کا انتظار کیا جا رہا ہے۔میر ظفر اللہ جمالی کو رواں سال مئی بھی کورونا ہوا تھا۔

(جاری ہے)

دوسری جانب ق لیگ کے سربراہ اور سابق وزیر اعظم چودھری شجاعت حسین اور اسپیکر پنجاب اسمبلی چودھری پرویزالٰہی نے میر ظفراللہ جمالی کی جلد صحت یابی کیلئے دعا کی ہے۔

چودھری شجاعت نے کہا کہ اللہ تعالیٰ میر ظفراللہ جمالی کوصحت وتندرستی عطا کرے۔ یاد رہے چند روز قبل چودھری شجاعت حسین بھی تشویشناک حالت میں ہسپتال زیرعلاج رہے، تاہم اللہ کے کرم سے اب وہ مکمل صحتمند ہیں اورہسپتال سے ڈسچارج ہوکر گھر منتقل ہوچکے ہیں۔