انٹرنیشنل کرکٹ میں 22 ہزاررنز، کوہلی آٹھویں کرکٹربن گئے

پیر 30 نومبر 2020 15:19

سڈنی(اُردو پوائنٹ اخبارتازہ ترین - این این آئی۔ 30 نومبر2020ء) بھارتی کپتان ویرات کوہلی انٹرنیشنل کرکٹ میں 22 ہزار رنز مکمل کرنے والے ٓآٹھویں کرکٹر بن گئے۔وہ آسٹریلیا سے دوسرے ون ڈے میں 89 رنز کی اننگز کے دوران اس سنگ میل پر پہنچے۔

(جاری ہے)

کوہلی ون ڈے کرکٹ میں 11 ہزار 977 رنز بنا چکے، وہ ٹیسٹ کرکٹ میں 7240 اور ٹی 20 میں 2794 رنز اسکور کرچکے ہیں۔ ان سے قبل سچن ٹنڈولکر (34357)، کمارسنگاکارا (28016)، رکی پونٹنگ (27483)، مہیلا جے وردنے (25957)، جیک کیلس (25534)، راہول ڈریوڈ (24208) اور برائن لارا (22358) یہ سنگ میل عبور کرنے میں کامیاب ہوئے ہیں۔