پیڑول کی قیمت برقرار، ہائی اسپیڈ ڈیزل مہنگا کرنے کا اعلان

حکومت نے آئندہ پندرہ روز کے لیے پیٹرولیم مصنوعات کے نرخ جاری کردئیے

پیر 30 نومبر 2020 23:44

پیڑول کی قیمت برقرار، ہائی اسپیڈ ڈیزل مہنگا کرنے کا اعلان

اسلام آباد(اُردو پوائنٹ اخبارتازہ ترین - این این آئی۔ 30 نومبر2020ء) حکومت نے پیٹرول اور مٹی کے تیل کی قیمتیں برقرار اور ہائی اسپیڈ ڈیزل کی قیمت میں اضافے کا اعلان کیا ہے ۔فنانس ڈویژن سے جاری کردہ نوٹیفکیشن میں کہا گیا کہ عوام کو زیادہ سے زیادہ ریلیف فراہم کرنے کے لیے حکومت نے بین الاقوامی مارکیٹ میں ہونے والا پیٹرولیم مصنوعات کی قیمتوں میں اضافہ خود برداشت کرنے کا فیصلہ کیا ہے۔

(جاری ہے)

جاری کردہ اعلامیے کے مطابق پیٹرول، مٹی کے تیل اور لائٹ ڈیزل کی قیمتیں برقرار رہیں گی تاہم عالمی سطح پر غیر معمولی اضافے کے باعث ہائی اسپیڈ ڈیزل کی قیمت میں 4 روپے فی لیٹر اضافہ کیا گیا ہے۔ قیمتوں کا اطلاق یکم دسمبر سے ہوگا اور یہ نرخ آئندہ 15 روز تک نافذ العمل رہیں گے۔واضح رہے کہ حکومتی فیصلے کے بعد پیٹرول 100 روپے 69 پیسے ، مٹی کا تیل 65 روپے 29 پیسے، لائٹ ڈیزل 62 روپے 86 پیسے فی لیٹر کی قیمت پر برقرار رہیں گے جب کہ ہائی اسپیڈ ڈیزل کی قیمت 4 روپے اضافے کے بعد 105 روپے 43 پیسے ہوجائے گی۔