انٹر کلب کرکٹ ٹورنامنٹ کے میچ میں آئی سی ایم ایس کلب کی کامیابی

منگل 1 دسمبر 2020 21:08

پشاور(اُردو پوائنٹ اخبارتازہ ترین - آن لائن۔ 01 دسمبر2020ء) پشاور انٹر کلب ون ڈے ناک آئوٹ کرکٹ ٹورنامنٹ کے میچ میں آئی سی ایم ایس کرکٹ کلب نے سلکو کرکٹ کلب کو 87 رنز سے ہرا دیا۔ آئی سی ایم ایس کلب نے پہلے کھیلتے ہوئے مقررہ 35 اوور میں 9 وکٹوں کے نقصان پر 258 رنز بنائے، سجاد ابراہیم نے 105 ، شیراز صافی نے 55، عمران نے 26 ، عامر برکی نے 22 اور اعظم نے 22 رنز سکور کئے۔

(جاری ہے)

سلکو کلب کی جانب سے شفیق اور عبدالرحمن نے دو دو جبکہ سہیل، شاہ فہد، عالمگیر اور احمد نے ایک ایک وکٹ حاصل کی۔ جواب میں سلکو کلب کی ٹیم 34 ویں اوور میں 171 رنز بناکر آئوٹ ہوگئی، اسفندیار 48، عامر 27 ، سہیل 26 اور ارسلان 20 رنز کے ساتھ نمایاں رہے۔ آئی سی ایم ایس کلب کی جانب سے سعید نے شاندار بولنگ کا مظاہرہ کرتے ہوئے 6 ، جبکہ سجاد، عبید، اعظم اور جبران خان نے ایک ایک کھلاڑی کو آئوٹ کیا۔ امپائرنگ کے فرائض شکیل احمد اور شہزاد نے جبکہ سکورر کے فرائض شہیر جمال نے انجام دیئی