کراچی، ایٹمی بجلی گھر کینوپ ٹو تکمیل کے آخری مراحل میں،اپریل 2021 میں بجلی گھر باقاعدہ پیداوار شروع کردیگا

بدھ 2 دسمبر 2020 16:12

کراچی(اُردو پوائنٹ اخبارتازہ ترین - این این آئی۔ 02 دسمبر2020ء) کراچی کے ساحل ہاکس بے پر زیر تعمیر دوسرا ایٹمی بجلی گھر کینوپ ٹو تکمیل کے آخری مراحل میں داخل ہوگیا ہے۔ کینوپ ٹو کے پلانٹ میں فیول لوڈنگ کا عمل شروع ہو گیا ہے۔ پلانٹ سے بجلی کی باقاعدہ پیداوار آئندہ سال اپریل سے شروع ہو جائے گی۔

(جاری ہے)

پاکستان ایٹامک انرجی کمیشن کے ترجمان کے مطابق بجلی گھر میں ایٹمی مواد ڈالنے کا آغاز کردیا گیا ہے۔

اس موقع پر ڈائریکٹر جنرل ندیم، چیئرمین ایٹم توانائی کمیشن محمد نعیم، ممبر پاور ایٹم توانائی کمیشن اور چین کے اعلی عہدے داران موجود تھے۔ ایٹمی بجلی گھر کینوپ ٹو، پریشرائزڈ واٹر ریکٹر ہے جس کی تعمیر اگست 2015 میں شروع ہوئی۔اپریل 2021 میں یہ بجلی گھر باقاعدہ پیداوار شروع کردے گا۔ اس طرز کا ایک اور پلانٹ کینوپ تھری بھی 2021 کے آخر تک اپنی پیداوار شروع کر دے گا۔