اسرائیلی فوج کی فلسطینی سرزمین پر قبضے کی کوشش، مزاحمت پر پسپا

انتہا پسند اسرائیلیوں کا فوج کے حصار میں فلسطینیوں پر حملے کا مقصد نئی یہودی بستیوں کیلئے زمین ہتھیانا تھا

جمعرات 3 دسمبر 2020 11:32

مقبوضہ بیت المقدس (اُردو پوائنٹ اخبارتازہ ترین - این این آئی۔ 03 دسمبر2020ء) اسرائیلی فوج نے ایک بار پھر بربریت کا مظاہرہ کرتے ہوئے فلسطینیوں کی زمین پر قبضہ کرنے کے لئے چڑھائی کر دی، نڈر فلسطینیوں کی مزاحمت نے پسپائی پر مجبور کر دیا، چین کے صدر نے فلسطین سے اظہار یکجہتی کا عالمی دن منانے پر اقوام متحدہ کو مبارک باد دی۔

(جاری ہے)

بربریت، تشدد، ظلم و ستم کا بازار گرم، انتہا پسند اسرائیلیوں کا فوج کے حصار میں فلسطینیوں پر حملہ جس کا مقصد نئی یہودی بستیوں کے لئے زمین ہتھیانا تھا۔

علاقہ خالی کروانے کے لئے فلسطینیوں کو مارا پیٹا، خونخوار کتوں سے ڈرایا اور املاک کو نذر آتش کردیا۔نہتے مگر جرات مند فلسطینیوں نے بھرپور دفاع کیا، صہیونیوں کی آنکھوں میں آنکھیں ڈال کر للکارا، بزدل صہیونی کارندے پسپائی پر مجبور ہو گئے۔ چینی صدر شی جن پنگ نے فلسطین سے اظہار یکجہتی کا عالمی دن منانے پر اقوام متحدہ کو مبارک باد دی ہے، چینی صدر نے کہا کہ مشرق وسطیٰ میں قیام امن فلسطین کے دو ریاستی حل کے بغیر ممکن نہیں ہے۔