راولپنڈی :پیر ودھائی میں دھماکہ ایک ہلاک9زخمی
دھماکہ ممکنہ طور پر رکشے کا گیس سلنڈرپھٹنے سے ہوا. ابتدائی تحقیقات
میاں محمد ندیم جمعہ 4 دسمبر 2020 14:55
(جاری ہے)
ریسکیو ذرائع کا کہنا ہے کہ دھماکہ پیر ودھائی بس اڈاے میں ہوا جس کی آوازدور تک سنی گئی بتایا گیا ہے کہ چنگ چی رکشے میں ڈرائیور سمیت دس کے قریب سواریاں تھیں اور دھماکہ چونکہ بس اڈاے کے وسط میں انتہائی بھیڑبھاڑ والے علاقے میں ہوا جس سے نہ صرف علاقے میں خوف و ہراس پھیلا گیا بلکہ افراتفری مچ گئی جس سے کئی افراد کے گاڑیوں سے ٹکڑا کرزخمی ہونے کی اطلاعات بھی ہیں. دھماکے کی اطلاع ملتے ہی ریسکیو 1122 کی امدادی ٹیمیں اور پولیس موقع پر پہنچیں جہاں 10 زخمیوں کو طبی امداد فراہم کی گئی اور مقامی ہسپتال منتقل کیا گیا ہسپتال میں زخموں کی تاب نہ لاتے ہوئے ایک شخص جاں بحق ہوگیا جبکہ باقی زخمیوں کی حالت خطرے سے باہر ہے. راولپنڈی پولیس ترجمان نے بتایا کہ پیر ودھائی تھانے کے قریب کریانہ اسٹور کے سامنے دھماکہ ہوا پولیس ٹیمیں موقع پر موجود ہیں اور دھماکے کی نوعیت کا پتہ لگایا جارہا ہے تاہم دہشت گردی کے امکان کو رد نہیں کیا جاسکتا. ابتدائی تحقیقات میں پولیس اور ریسکیو ذرائع کا کہنا ہے کہ ممکنہ طور پر دھماکہ رکشے میں لگے گیس سلنڈر کے پھٹنے سے ہوا ہے تاہم ابھی حتمی طور پر کچھ کہنا قبل ازوقت ہے ادھر ترجمان 1122 نے کہا ہے کہ دھماکے کی نوعیت کا تاحال علم نہیں ہوسکا. ریسکیو حکام نے عینی شاہدین کے حوالے سے بتایا کہ اچانک رکشہ میں زودار آواز کے بعد آگ لگی پولیس کے مطابق پولیس موقع پر پہنچ گئی واقع ہے حکام کا کہنا ہے کہ آگ لگنے وجہ سلنڈر یا جنریٹر دھماکہ بھی ہو سکتا ہے جائے وقوعہ کو سیل کردیا گیا ہے زخمیوں کو مقامی ہسپتال منتقل کر دیا گیا ہے اور امدادی کارروائیاں جاری ہیں. روالپنڈی پولیس نے 7زخمیوں کی شناخت 45 سالہ محمد افضل خان، 26 سالہ بلال، 18 سالہ قاسم، 77 سالہ عبدالرحمان، 28 سالہ علاﺅالدین، 19 سالہ ابراہیم اور ظفیر کے ناموں سے کی ہے پولیس ترجمان سجاد الحسن نے ایک بیان جاری کرتے ہوئے کہا کہ بم ڈسپوزل اسکواڈ اور دیگر قانون نافذ کرنے والے ادارے جائے وقوع پر موجود ہیں اور واقعے کی نوعیت معلوم کی جارہی ہے. ترجمان پولیس کا کہنا ہے کہ دہشت گردی کے امکان کو رد نہیں کیا جا سکتا، تحقیقات کے بعد ہی دھماکے کی نوعیت کے بارے میں حتمی رائے دی جا سکے گی ترجمان کے مطابق واقعے کی اطلاع ملتے ہی پولیس کی بھاری نفری نے جائے وقوعہ پر پہنچ کر اسے گھیرے میں لے لیا، زخمیوں کو ہسپتال منتقل کیا جبکہ دھماکے کی نوعیت جانچنے کے لیے بم ڈسپوزل اسکواڈ کو طلب کیا گیا ہے. واضح رہے کہ اس سے قبل رواں برس 12 جون کو راولپنڈی کے علاقے صدر کینٹ کے تجارتی علاقہ کوئلہ سینٹر میں بم دھماکے میں کم ازکم ایک شہری جاں بحق اور بچوں سمیت 15 افراد زخمی ہوگئے تھے. راولپنڈی کے علاقے چٹیاں ہٹیاں میں جنوری 2015 میں امام بارگاہ عون محمد رضوی کے قریب بم دھماکے میں 8 افراد ہلاک اور دو پولیس اہلکاروں سمیت 16 افراد زخمی بھی ہوئے تھے.
مزید اہم خبریں
-
بھارت کے انتخابات میں ڈیپ فیک کا بڑھتا خطرہ
-
ازبکستان، پاکستان اور سعودی عرب کے مابین شراکت داری کا اہم معاہدہ
-
ملک میں سونا ہزاروں روپے سستا ہوگیا
-
ایرانی صدر کی مزار اقبالؒ پر حاضری ، فاتحہ خوانی کی ،پھولوں کی چادر چڑھائی
-
ایرانی صدر ڈاکٹر ابراہیم رئیسی دورہ پاکستان کے دوسرے مرحلے میں لاہور پہنچ گئے ، دفتر خارجہ
-
بجلی کی اوور بلنگ پر ایف آئی اے اور لیسکو نے معاملات طے کرلیے
-
جب تک ظلم سہتے رہیں گے ظلم جاری رہے گا،علیمہ خان
-
آئی ایم ایف کے ساتھ طویل مدتی پروگرام ضروری ہے ، پاکستان سٹاک مارکیٹ تاریخ کی بلند ترین سطح پر ہے ، زراعت کا شعبہ 5 فیصد کی شرح سے نمو کررہا ہے، وزیرخزانہ کا خطاب
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
وزیر اعظم کاٹیکس کیسز میں دانستہ التوا ء کا نوٹس
-
حکومت بالکل ناکام ہو چکی، ان کو سارے کیسز واپس لینے ہوں گے، شیخ رشید احمد
-
پمز ہسپتال کے ڈاکٹروں نے بشریٰ بی بی کو خوراک میں احتیاط کرنے کا مشورہ دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.