متحدہ عرب امارات نے 12واں سیٹلائٹ خلا میں بھیج دیا

جمعہ 4 دسمبر 2020 20:11

دبئی (اُردو پوائنٹ اخبارتازہ ترین - این این آئی۔ 04 دسمبر2020ء) متحدہ عرب امارات نے اپنے 49ویں قومی دن کے موقع پر بارہواں سیٹلائٹ خلا میں بھیج دیا ہے۔

(جاری ہے)

متحدہ عرب امارات کے مطابق فالکن آئی نامی خلائی سیارے کو تحقیقی مقاصد کیلئے جنوبی امریکا میں واقع فرانسیسی خلائی مرکز سے بدھ کی صبح مقامی وقت کے مطابق پانچ بج کر 33 منٹ پر چھوڑا گیا،فالکن آئی سیٹلائٹ تصویر کشی کی ہائی ٹیکنالوجی سے لیس ہے،اس کو نقشوں، زرعی نگرانی، شہری منصوبہ بندی، ماحول کی مانیٹرنگ، قدرتی آفات سے متعلق منصوبہ بندی اور ملک کی سرحدوں اور ساحلی علاقوں کی دفاعی نقطہ نظر سے نگرانی کے لیے استعمال کیا جائے گا۔

واضح رہے کہ یو اے ای کی خلائی ایجنسی 2014 میں قائم کی گئی تھی اور اس نے حالیہ برسوں کے دوران میں خلائی ٹیکنالوجی کے میدان میں نمایاں پیش رفت کی ہے۔