بھار ت،مسلسل چوتھے روز بھی پٹرول اور ڈیزل کی قیمتوں میں اضافہ

ہفتہ 5 دسمبر 2020 16:34

نئی دہلی(اُردو پوائنٹ اخبارتازہ ترین - این این آئی۔ 05 دسمبر2020ء) بھارت میں سرکاری آئل مارکیٹنگ کمپنیوں نے مسلسل چوتھے روز پیٹرول اور ڈیزل کی قیمتوں میں اضافہ کر دیا۔تفصیلات کے مطابق بھارت میں پیٹرول اور ڈیزل کی قیمتوں کو تعین روزانہ کی بنیادوں پر ہوتا ہے۔ بھارت میں روزانہ صبح 6 بجے پیٹرول اور ڈیزل کی قیمتوں میں کمی یا اضافے کا اعلان کیاجاتا ہے۔

بھارتی میڈیا رپورٹس کے مطابق دارلحکومت نئی دہلی میں ڈیزل کی قیمتوں میں 25 پیسے کا اضافہ ہوا ہے اور ڈیزل کی قیمت 73 روپے فی لیٹر سے اوپر چلی گئی۔

(جاری ہے)

نئی دہلی میں پیٹرول کی قیمت میں بھی 27 پیسے فی لیٹر کا اضافہ ہوا ہے اور فی لیٹر قیمت 83.13 روپے ( 180.29پاکستانی روپی) ہوگئی، ڈیزل کی فی لیٹر قیمت 73.32 روپے (159.01 پاکستانی روپے ) پر پہنچ گئی۔رپورٹس کے مطابق آئل مارکیٹنگ کمپنیوں نے پچھلے 15 روز کے دوران پیٹرول کی قیمت میں 13 مرتبہ 2 پیسے فی لیٹر اضافہ کیا ہے،ڈیزل بھی تقریباً 3 روپے فی لیٹر مہنگا ہوا ہے،تجارتی ریاست ممبئی میں پیٹرول 26 پیسے اضافے سے 89.78 روپے فی لیٹر(194.71پاکستانی روپی) اور ڈیزل 27 پیسے اضافے کے ساتھ 79.93 روپے فی لیٹر (173.35 پاکستانی روپی) ہوگیا۔

ملک کے چار بڑے میٹرو میں پیٹرول اور ڈیزل کی قیمتیں ہفتہ کو بھی اسی طرح برقرار رہیں۔