ضابطہ اخلاق کی خلاف ورزی کرنے پر سلمان علی آغا پرمیچ فیس کا 40 فیصد جرمانہ عائد

ہفتہ 5 دسمبر 2020 20:37

کراچی(اُردو پوائنٹ اخبارتازہ ترین - این این آئی۔ 05 دسمبر2020ء) کراچی میں جاری قائداعظم ٹرافی فرسٹ کلاس ٹورنامنٹ کے چھٹے راؤنڈ کے میچ میں کھلاڑی اور اسپورٹ اسٹاف کیلئے مقررہ ضابطہ اخلاق کے لیول 1 کی خلاف ورزی کرنے پرسدرن پنجاب کے بیٹسمین سلمان علی آغا پر میچ فیس کا 40 فیصد جرمانہ عائد کردیا گیا ہے۔

(جاری ہے)

یوبی ایل اسپورٹس کمپلیکس کراچی میں ناردرن کے خلاف کھیلے گئے میچ میں سدرن پنجاب کے بیٹسمین سلمان علی کو امپائر کے فیصلے پر ناراضگی کا اظہار کرنے پر جرمانہ عائد کیا گیا ہے۔

یہ واقعہ میچ کے آخری روز اس وقت پیش آیا جب سلمان علی آغا نے امپائر کی جانب سے وکٹوں کے پیچھے کیچ آؤٹ دئیے جانے پرمایوسی کا اظہار کرتے ہوئے اپنا ہاتھ ہیلمٹ پر رکھا۔پی سی بی کے کوڈ آف کنڈکٹ کے آرٹیکل 2.8 کی خلاف ورزی کرنے پر آن فیلڈ امپائرز آفتاب گیلانی اور فیصل آفریدی نے سلمان علی آغا کو چارج کیا۔سلمان علی آغانے اپنی غلطی کو تسلیم کیا لہٰذا میچ ریفری علی نقوی نے اٴْ ن پر جرمانہ عائد کردیا گیا۔