خواجہ آصف کو نیب نے گرفتار کرلیا

خواجہ آصف کو اثاثہ جات کیس میں گرفتار کیا گیا ہے ، طلب کیا تھا لیکن وہ ثبوت نہ دے سکے ،نیب ترجمان

بدھ 30 دسمبر 2020 00:05

اسلام آباد(اُردو پوائنٹ اخبارتازہ ترین - آن لائن۔ 29 دسمبر2020ء) قومی احتساب بیورو(نیب) نے مسلم لیگ ن کے سینئر رہنما اور سابق وزیر خارجہ خواجہ آصف کو گرفتار کر لیا ہے۔مسلم لیگ ن کی ترجمان مریم اورنگزیب نے تصدیق کرتے ہوئے کہا ہے کہ خواجہ آصف کو احسن اقبال کے گھر سے گرفتار کیا گیا ہے۔دوسری جانب ترجمان نیب نے بھی خواجہ آصف کی گرفتاری کی تصدیق کر دی ہے۔

ترجمان کے مطابق نیب نے خواجہ آصف کو اثاثہ جات کیس میں گرفتار کیا گیا ہے۔ خواجہ آصف کو طلب کیا تھا لیکن وہ ثبوت نہ دے سکے۔نیب ذرائع کے مطابق خواجہ آصف کو آمدن سے زائد اثاثوں کے کیس میں گرفتار کیا گیا ہے۔ خواجہ آصف کے وارنٹ گرفتاری چیئرمین نیب کے دستخطوں سے جاری ہوئے ۔ذرائع کے مطابق خواجہ آصف کے وارنٹس گرفتاری چیئرمین نیب کے دستخطوں سے جاری ہوئے اور انہیں نیب راولپنڈی کے دفتر منتقل کیا گیا ہے ۔

(جاری ہے)

ذرائع کے مطابق نیب راولپنڈی میں خواجہ آصف کا طبی معائنہ کیا جائے گا اور آج صبح احتساب عدالت اسلام آباد سے خواجہ آصف کا راہداری ریمانڈ لیا جائے گا۔ خواجہ آصف قومی اسمبلی کے حلقہ این اے 73 سیالکوٹ 2 سے مسلم لیگ (ن) کے ٹکٹ پر رکن قومی اسمبلی منتخب ہوئے ہیں۔واضح رہے کہ اس سے قبل قومی احتساب بیورو کی جانب سے متعدد بار خواجہ ا?صف کو غیر ملکی اقامہ کیس اور ا?مدن سے زائد اثاثہ جات کے کیسز میں طلب کیا گیا ہے۔