ماہ قبل میں اور میرے شوہر ایک دوسرے کیلئے انجان تھے، نادیہ خان

زندگی مختلف سرپرائزز سے بھری ہوئی ہے، بس ہمیں اٴْمید کا دامن نہیں چھوڑنا چاہیے،اداکارہ

ہفتہ 16 جنوری 2021 12:27

ماہ قبل میں اور میرے شوہر ایک دوسرے کیلئے انجان تھے، نادیہ خان
کراچی (اُردو پوائنٹ اخبارتازہ ترین - این این آئی۔ 16 جنوری2021ء) پاکستان کی مقبول اور کامیاب میزبان و اداکارہ نادیہ خان نے کہا ہے کہ آج سے چار ماہ قبل میں اور میرے شوہر فیصل ممتاز راؤ ایک دوسرے کیلئے بالکل انجان تھے۔رواں ماہ کی شروعات میں ریٹائرڈ پی اے ایف آفیسر اور فائٹر پائلٹ فیصل ممتاز راؤ کے ساتھ رشتہ ازدواج میں منسلک ہونے والی نادیہ خان نے انسٹاگرام اکاؤنٹ پر دو تصاویر پر مبنی ایک فوٹو کولاج شیئر کیا ہے۔

(جاری ہے)

مذکورہ فوٹو کولاج میں ایک تصویر نادیہ خان کی ہے جبکہ دوسری تصویر اٴْن کے شوہر فیصل ممتاز راؤ کی ہے۔نادیہ خان نے فوٹو کولاج شیئر کرتے ہوئے لکھا کہ آج سے چار ماہ قبل ہم دونوں ایک دوسرے کیلئے انجان تھے‘۔اداکارہ و میزبان نے لکھا کہ ’زندگی مختلف سرپرائزز سے بھری ہوئی ہے، بس ہمیں اٴْمید کا دامن نہیں چھوڑنا چاہیے۔‘نادیہ خان کی اس پوسٹ پر صارفین کی بڑی تعداد اس نئی جوڑی کیلئے نیک خواہشات کا اظہار کر رہی ہے۔

متعلقہ عنوان :