امریکا نے افغانستان میں اپنی فوج کی تعداد مزید کم کردی

ہفتہ 16 جنوری 2021 23:07

واشنگٹن (اُردو پوائنٹ اخبارتازہ ترین - آن لائن۔ 16 جنوری2021ء) امریکا نے افغانستان میں اپنی فوج کی تعداد مزید کم کرکے ڈھائی ہزار کردی ہے۔ طالبان نے امریکی اقدام کا خیرمقدم کیا ہے۔امریکی فوج کی واپسی امریکا اور طالبان کے درمیان طے پائے گئے معاہدے کے تحت ہوئی ہے۔

(جاری ہے)

امریکی محکمہ دفاع نے افغانستان میں امریکی فوجی اہلکاروں کی تعداد کم کرکے 2500 ہزار کرنے کی تصدیق کی ہے۔ امریکی فوج کے انخلا پر طالبان کے ترجمان نے اپنے بیان میں کہا ہے کہ افغانستان سے امریکی فورسز کا بتدریج انخلا قیام امن کے لیے اچھی پیش رفت ہے۔دو دہائیوں سے جاری افغان جنگ کے دوران افغانستان میں امریکی افواج کی یہ کم ترین تعداد ہے۔