د* پاکستان کے نامورمصورعبدالرحمن چغتائی کی 46ویں برسی اتوار کو منائی گئی

اتوار 17 جنوری 2021 18:55

جہانیاں(اُردو پوائنٹ اخبارتازہ ترین - آن لائن۔ 17 جنوری2021ء) پاکستان کے نامورمصورعبدالرحمن چغتائی کی 46ویں برسی 17جنوری اتوار کو منائی گئی۔معروف مصور عبدالرحمن چغتائی نے بدھ مت،اسلام،ہندوازم،مغل طرز حکمرانی اور پنجاب کے موضوعات پر شاہکار تصاویر تخلیق کیں ان کی تصاویر یورپ و امریکہ سمیت ایشیاء بھر میں مقبول تھیں ان کے تخلیق کردہ شاہکار نمونے اسلام آباد،لندن،امریکہ،بھارت ،نیدر لینڈ،بنکاک سمیت دنیا بھر کے معروف عجائب گھروں کی زینت بنے ہوئے ہیں شاعر مشرق علامہ اقبال،پکاسو اور ملکہ ایلزبتھ دوئم بھی ان کے مداح تھے۔

(جاری ہے)

عبدالرحمن چغتائی نے پاکستان ٹیلی ویژن ،ریڈیو پاکستان کے ’’ لوگو ‘‘ اور پاکستانی ڈاک ٹکٹوں کے ڈیزائن بھی تخلیق کیے انہیں مصور ]مشرق کا خطاب ملا جبکہ انہیں 1960ء میں ہلال امتیاز اور مغربی جرمنی کی حکومت کی جانب سے گولڈ میڈل سے بھی نوازا گیا۔نامور مصور عبدالرحمن چغتائی 17جنوری 1975ء کو انتقال کر گئے تھے۔