فیصل آباد ،ملازمت چھوڑنے پر نوجوان کے ساتھ انسانیت سوز سلوک کی ویڈیو سامنے آگئی

اتوار 17 جنوری 2021 20:10

فیصل آباد (اُردو پوائنٹ اخبارتازہ ترین - این این آئی۔ 17 جنوری2021ء) فیصل آباد میں ملازمت چھوڑنے پر نوجوان کے ساتھ انسانیت سوز سلوک کی ویڈیو سامنے آگئی۔

(جاری ہے)

رپورٹ کے مطابق یہ واقعہ فیصل آباد کے علاقے چک جھمرہ میں پیش آیا ہے جہاں ملازمت چھوڑنے پر نوجوان کو جانوروں کے ساتھ زنجیروں سے باندھ دیا گیا اور تشدد بھی کیا گیا،ملزمان نے نوجوان کا سر بھی مونڈھ ڈالا اور ویڈیو بناکر وائرل کردی۔ واقعے کی ویڈیو منظر عام پر آنے کے ایک ہفتے بعد پولیس نے درخواست پر 5 نامزد ملزمان کے خلاف مقدمہ درج کرلیا۔ پولیس کے مطابق نوجوان شہزاد قریبی گاؤں میں وڈیرے اشتیاق شاکا کے پاس ملازمت کرتا تھا، ملزمان کی گرفتاری کے لیے چھاپے مارے جارہے ہیں۔