جمشید دستی کے مبینہ بھانجے نے طالبہ کو زیادتی کا نشانہ بنا دیا

لڑکی کے بھائی کی مدعیت میں چار ملزموں کے خلاف اغواء اور زیادتی کا مقدمہ درج کر لیا گیا

مقدس فاروق اعوان پیر 18 جنوری 2021 16:19

جمشید دستی کے مبینہ بھانجے نے طالبہ کو زیادتی کا نشانہ بنا دیا

مظفر گڑھ (اردو پوائنٹ تازہ ترین اخبار۔18 جنوری 2021ء) مظفر گڑھ میں جمشید دستی کے مبینہ بھانجے کی طالبہ سے زیادتی کا واقعہ سامنے آیا ہے۔میڈیا رپورٹس کے مطابق تھانہ صدر کے علاقے موضع دین پور میں نویں کلاس کی طالبہ 15 سالہ اپنے ماموں کے گھر جا رہی تھی کہ راستے میں جمشید دستی کے بھانجے محمد ابراہیم اور اس کے 3 ساتھیوں محمد صفدر ، امیر حمزہ اور غلام عباس نے اسے اغوا کر لیا اور ایک گھر میں لے گئے جہاں مبینہ طور پر محمد ابرہیم نے اسے زیادتی کا نشانہ بنایا۔

(جاری ہے)

شور شرابہ کرنے پر ملزم فرار ہو گئے۔پولیس کے مطابق لڑکی کے بھائی کی مدعیت میں چار ملزموں کے خلاف اغواء اور زیادتی کا مقدمہ درج کر لیا گیا ہے۔جب کہ جمشید دستی کا کہنا تھا کہ ان کا کسی ملزم سے کوئی تعلق نہیں، جو غلط ہے اس کو سزا ملنی چاہئیے،مخالفین ہر معاملے کو ان کے ساتھ جوڑ کر سیاسی فائدہ حاصل کرنے کی ناکام کوشش کر رہے ہیں۔دوسری طرف آئی جی پنجاب انعام غنی نے واقعے کا نوٹس لیتے ہوئے آی پی او ڈی جی خان سے رپورٹ طلب کر لی ہے۔