ڈرپ اریگیشن کا نظام زرعی شعبہ میں انقلاب لاسکتاہے ، محکمہ زراعت

منگل 19 جنوری 2021 14:06

قصور (اُردو پوائنٹ اخبارتازہ ترین - اے پی پی۔ 19 جنوری2021ء) ترجمان محکمہ زراعت نے کہاہے کہ ڈرپ اریگیشن کا نظام زرعی شعبہ میں انقلاب لاسکتاہے جبکہ کاشتکاروں میں پانی کی اہمیت اجاگرکرکے زرعی پیداوار میں نمایاں اضافہ بھی ممکن ہے۔

(جاری ہے)

انہوں نے”اے پی پی“کو بتایا کہ موجودہ حالات میں جب پانی کی شدید قلت کا سامناہے کاشتکاروں میں پانی کی اہمیت و افادیت سے انکار ممکن نہیں نیز کھیتوں کو مطلوبہ مقدار میں بروقت پانی کی فراہمی کے ذریعے زرعی اجناس کی پیداوارمیں نمایاں اضافہ کرکے سرسبز زرعی انقلاب کا راستہ ہموار کیا جاسکتا ہے۔

انہوں نے بتایا کہ ڈرپ اریگیشن کا نظام نہایت فعال اور زراعت و کسان دوست ہے جس سے بلندی پرواقع قطعات اراضی کو ضرورت کے مطابق پانی دیاجاتاہے اور اس انداز سے بنجراراضی کو لہلہاتی فصلات میں بھی بدلنا ممکن ہے۔ انہوں نے بتایا کہ پختہ کھال جہاں پانی کے ضیاع کو روکنے کا پیش خیمہ ثابت ہوسکتے ہیں وہیں زرعی ترقی کےلئے ان کا کردار کھیتوں کو وافر مقدارمیں پانی کی فراہمی کے ضمن میں ریڑھ کی ہڈی کی حیثیت رکھتاہے۔ انہوں نے کہا کہ پختہ کھالوں کے ذریعے پانی کی ترسیل میں بھرپورمددملتی ہے۔

Facebook Twitter Google + Share on Whatsapp

ڈرپ اریگیشن کا نظام زرعی شعبہ میں انقلاب لاسکتاہے ، محکمہ زراعت

متعلقہ عنوان :

مزید زراعت کی خبریں