عوام کی خوشحالی اور ترقی حکومت کی ترجیحات میں شامل نہیں، عابد حسین صدیقی

بلاول بھٹو زرداری ہر پلیٹ فارم پر عوام کی آواز کو بلند کر رہے ہیں، سیکرٹری اطلاعات پی پی پی

جمعرات 21 جنوری 2021 22:43

لاہور (اُردو پوائنٹ اخبارتازہ ترین - آن لائن۔ 21 جنوری2021ء) پاکستان پیپلز پارٹی لاہور کے سیکرٹری اطلاعات عابد حسین صدیقی نے کہا ہے کہ عوام کی خوشحالی اور ترقی حکومت کی ترجیحات میں شامل نہیں بلاول بھٹو زرداری ہر پلیٹ فارم پر عوام کی آواز کو بلند کر رہے ہیں۔ یہاں سے جاری ایک بیان میں انہوں نے کہا کہ مہنگائی اس وقت ملک کا سب سے بڑا مسئلہ بن چکا ہے۔

(جاری ہے)

مہنگائی کا عفریت عوام کی زندگی کو اجیرن بنائے ہوئے ہے لیکن حکومت کی اس طرف کوئی توجہ نہیں انہوں نے کہا کہ وزیر اعظم اور ان کی معاشی ٹیم معیشت بہتری کو بڑے فخریہ انداز میں بیان کر رہی ہے لیکن اس کے ثمرات عوام تک مہنگائی میں کمی کی صورت میں پہنچنے چاہئیں تھے مگر مہنگائی کا جِن دندنا رہا ہے۔و زیراعظم کو عوامی مشکلات کا ادراک ہے تو عوام کو مشکلات سے نکالنے میں مزید تاخیر نہ کریں کیونکہ حکومت کے پاس تاخیر کا اب کوئی ٹھوس جواز نہیں ہے۔